មិនធម្មតាទេភាពយន្តខ្មែរថត៥ឆ្នាំ ទីបំផុតដាក់បញ្ចាំងជាផ្លូវការហើយ!

2017-05-28 03:41:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុតភាពយន្តឯកសារ "អង្គរសង្ក្រាន្តមរតកនៃវប្បធម៌ខ្មែរ" ដែលចំណាយពេលថតអស់រយៈពេល៥ឆ្នាំនោះបានប្រកាសដាក់បញ្ចាំងជាផ្លូវការហើយ។

លោក ខាំ ភូរិ អ្នកគ្រប់គ្រងផលិតកម្ម Apsara Mera បានលើកឡើងថាវីដេអូឯកសារនេះបានថតតាំងពីឆ្នាំទី១នៃព្រឹត្តិការណ៍អង្គរសង្ក្រាន្តរហូតដល់ឆ្នាំទី៥ ដែលបានបញ្ចប់ទៅថ្មីៗនេះ។ វីដេអូឯកសារនេះមានរយៈពេលប្រមាណជា១ម៉ោង៣០នាទី ដែលនិយាយពីការកកើតនៃ ព្រឹត្តិការណ៍អង្គរសង្ក្រាន្ត ដែលលាយឡំជាមួយសិល្បៈវប្បធម៌ខ្មែរ ជាពិសេសពីការតស៊ូនិងលះបង់របស់យុវជនកម្ពុជាក្នុងការរៀបចំព្រឹត្តិការណ៍នេះតែម្ដង។

ចំណែកឯកញ្ញា មាន សូនីតា និង កញ្ញា ណាក់ ស្រីណា លើកឡើងថា ក្នុងនាមជាយុវទូតរបស់ព្រឹត្តិការណ៍អង្គរសង្ក្រាន្ត គឺពិតជាមានមោទនភាពដែលភាពយន្តឯកសារមួយនេះបានប្រកាសចេញជាផ្លូវការ ហើយថវិកា១០០% ដែលរកបាននឹងដាក់ចូលក្នុងមូលនិធិសប្បុរសធម៌។ ភាពយន្តឯកសា "អង្គរសង្ក្រាន្តមរតកនៃវប្បធម៌ខ្មែរ" នឹងចាក់បញ្ចាំងឆាប់ៗនេះហើយនៅរោងភាពយន្ត Major Cineplex by Cellcard៕