Tiger Woods ដេកគុក៤ម៉ោង ដោយសារបញ្ហារឿងមួយ

2017-05-30 04:28:47
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលកីឡាករវាយកូនគោល Tiger Woods ត្រូវបានប៉ូលិសឃាត់ខ្លួនកាលពីយប់មិញនៅម៉ោង៣ទៀបភ្លឺ និងត្រូវដាក់ឃុំក្នុងពន្ធនាគារនៅរដ្ឋ Florida ប្រមាណ៤ម៉ោង។

កីឡាករវ័យ៤១ឆ្នាំត្រូវប៉ូលិសចោទប្រកាន់សង្ស័យបើកបរក្នុងស្ថានភាពស្រវឹង និងចាប់ខ្លួនក្នុងទីក្រុង Jupiter ចំណាយប្រមាណ១៤៤គីឡូម៉ែត្រពីទីក្រុង Miami។ អ្នកតំណាងរបស់ប៉ូលិសមិនបាននិយាយបញ្ជាក់លម្អិតច្រើនពីការឃាត់ខ្លួនរបស់ Tiger ឡើយ។

ប៉ុន្តែវិបសាយអាមេរិក TMZ បានឲ្យដឹងថា ម្ចាស់ជើងឯក១៤កម្មវិធីរូបនេះបានបើកបរខុសប្រក្រតី និងបានបដិសេធផ្លុំរកជាតិអាកុល បន្ទាប់ពីប៉ូលិសធុំក្លិនជាតិអាកុលចេញពីខ្យល់ដង្ហើមរបស់គេ។ យ៉ាងណាក្ដី ក្រោយពីប៉ុន្មានម៉ោងនៃការឃុំខ្លួន ប៉ូលិសក៏សម្រេចដោះលែង Tiger Woods ឲ្យមានសេរីភាពវិញ។ បញ្ជាក់ថា Tiger Wood ខកខានប្រកួតអស់ជាច្រើនខែ ចាប់តាំងពីគេដកចេញពីកម្មវិធីប្រកួត Omega Dubai Desert Classic កាលពីខែ កុម្ភៈ៕