រឿង៥យ៉ាង អ្នកមិនធ្លាប់ដឹងឡើយពី «ទិវាកុមារ» នៅក្នុងប្រទេសកូរ៉េ

2017-06-01 02:44:22
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃទី១ ខែមិថុនា ជារៀងរាល់ឆ្នាំ បណ្ដាប្រទេសជាច្រើននៅលើពិភពលោក តែងតែប្រារព្ធ «ទិវាកុមារ» (Children's Day)។ ផ្ទុយទៅវិញ «ទិវាកុមារ» នៅក្នុងប្រទេសកូរ៉េ ត្រូវបានប្រារព្ធធ្វើឡើង តាំងពីថ្ងៃទី៥ ខែឧសភា មកម្ល៉េះ។

ខាងក្រោមនេះ គឺជារឿង ៥ យ៉ាង ដែលអ្នកមិនធ្លាប់ដឹង អំពី «ទិវាកុមារ» នៅក្នុងប្រទេសកូរ៉េ៖

#១ ទិវាកុមារ នៅក្នុងប្រទេសកូរ៉េ ត្រូវបានបង្កើតឡើង នៅក្នុងឆ្នាំ១៩២៣

ទិវាកុមារ នៅក្នុងប្រទេសកូរ៉េ ត្រូវបានបង្កើតឡើងជាលើកដំបូង ដោយអ្នកនិពន្ធដ៏ល្បីល្បាញម្នាក់ មានឈ្មោះថា Bang Chong-hwan នៅក្នុងឆ្នាំ១៩២៣ ដើម្បីជាមធ្យោបាយមួយធ្វើឲ្យមានឯករាជ្យភាព និងមោទនភាពជាតិសម្រាប់កុមារ។

#២ កាលពីមុន វាមិនត្រូវបានគេហៅថា ទិវាកុមារ (Children's Day) ឡើយ

ទិវាកុមារ ឬ Children's Day នៅក្នុងប្រទេសកូរ៉េ ធ្លាប់ត្រូវបានគេហៅថា «Boy's Day» រហូតដល់ឆ្នាំ១៩៧៥ នៅពេលដែលវាត្រូវបានគេចាត់ទុកជា ថ្ងៃឈប់សម្រាករបស់ជាតិ។

#៣ វាធ្លាប់ត្រូវបានគេប្រារព្ធ នៅថ្ងៃទី១ ខែឧសភា

ទិវាមួយនេះត្រូវបានផ្លាស់ប្ដូរទៅថ្ងៃទី៥ ខែឧសភា វិញ ដោយសារតែជាន់ជាមួយ ទិវាពលកម្ម (Labor Day) នៅក្នុងប្រទេសកូរ៉េ។

#៤ ជប៉ុន ធ្លាប់បានព្យាយាមបញ្ឈប់ការប្រារព្ធពិធីមួយនេះ

ក្នុងអំឡុងការកាន់កាប់របស់ជប៉ុន ទៅលើប្រទេសកូរ៉េ អាជ្ញាធរនៅក្នុងទីក្រុងសេអ៊ូល បានព្យាយាមបញ្ឈប់ការជួបជុំគ្រួសារ។ បន្ទាប់ពីប្រទេសកូរ៉េទទួលបានឯករាជ្យភាពវិញ នៅក្នុងឆ្នាំ១៩៤៥ វាបានធ្វើឲ្យទិវាមួយនេះរស់ឡើងវិញ ដើម្បីអបអរដល់កុមារ។

#៥ ទិវាកុមារ ជាក់ស្ដែងបានប្រារព្ធធ្វើឡើងតាំងពី ៥០០ឆ្នាំមុនមកម្ល៉េះ

នៅថ្ងៃទី៥ ខែឧសភា ប្រទេសកូរ៉េ ធ្លាប់បានប្រារព្ធទិវា «Suri Day» មានន័យថា «៥ថ្ងៃដំបូង» ដែលត្រូវបានគេចាត់ទុកថា ជាទិវាមួយក្នុងចំណោមទិវាដ៏អស្ចារ្យចំនួន ៤ នៅក្នុងប្រទេសកូរ៉េ។ ស្រដៀងគ្នាទៅនឹងទិវា Chaesa ឬ Bowing Ceremony Day ជនជាតិកូរ៉េ នឹងស្លៀកពាក់នៅក្នុងសំលៀកបំពាក់ថ្មីៗ ហើយដាក់សែនម្ហូបអាហារ សម្រាប់ជីដូនជីតា ឬបុព្វជន ព្រមទាំងចូលរួមការប្រកួតល្បែងប្រពៃណី ទៀតផង៕

ប្រភព៖ Hapskorea ប្រែសម្រួល៖ សេង ឡុង