ឧបករណ៍ពិសេស ធានា ១០ នាទីធ្វើឱ្យមនុស្សគេងលក់ តម្លៃក្បែរស្មាតហ្វូនមួយគ្រឿង

2017-06-01 03:47:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ឧបករណ៍ពិសេសមួយ Sana Health ត្រូវបានគេដឹង អាចធ្វើឱ្យមនុស្សដែលហត់នឿយទម្លាប់គេងមិនលក់ ធានាអាចបិទភ្នែកគេងលក់ស្កប់ស្កល់ក្នុងរយៈពេលត្រឹម ១០ នាទី បន្ទាប់ពីអ្នកយកវាទៅរុំពាក់នៅលើភ្នែក។ តម្លៃរបស់វាអាចប្រហែលស្មាតហ្វូនលំដាប់កំពូលមួយគ្រឿង ដោយថ្លៃជាង ៤០០ ដុល្លារឯណោះ។

មិនត្រឹមតែអាចបិទការជះពន្លឺពីមជ្ឈដ្ឋានខាងក្រៅប៉ុណ្ណោះទេ ដោយឡែកលក្ខណៈពិសេសមួយចំនួនរបស់វា គឺបានបំពាក់នូវប្រព័ន្ធ Audio-Visual ដែលអាចផ្ដល់ជាសម្លេងដាស់តឿនមួយ នៅពេលដែលវាត្រួតពិនិត្យឃើញថាប្រព័ន្ធប្រសាទរបស់អ្នក មានភាពខុសប្រក្រតី។ មួយវិញទៀតវារំញោចនូវតំណប្រព័ន្ធពិសេសចូលទៅកាន់ខួរក្បាល ដែលអាចធ្វើឱ្យអ្នកប្រើប្រឆាំងបានទៅនឹងជំងឺគេងមិនលក់ថែមទៀតផង។

បច្ចុប្បន្នក្រុមហ៊ុនកំពុងឆ្ពោះទៅរកចង្វាក់ផលិតកម្មផលិត ក្រោយបញ្ចប់គម្រោងប្រមូលបានថវិកាជាង ១,៣ លានដុល្លារ ដែលគ្រោងបើកលក់ជាសាធារណៈនាត្រីមាសទី ២ ឆ្នាំ ២០១៨ ខាងមុខ។

បន្តចុចអាន៖

ប្រភព៖ engadget ប្រែសម្រួល៖ កៅ រក្សា