កូនខ្មែរ ៣ រូប ឈ្នះប្រាក់រាប់លាន គ្រាន់តែច្នៃរូបលើប្រអប់ភីហ្សា

2017-06-01 05:09:21
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីប្រកួតរចនាប្រអប់ភីហ្សា Domino's Pizza ឆ្នាំទី២ ដែលជាកម្មវិធីបង្ហាញស្នាដៃសិល្បៈប្រកបដោយការច្នៃប្រឌិត បានរកឃើញអ្នកឈ្នះ ៣រូប ក្នុងចំណោមជើងខ្លាំងទាំង ១០ ហើយ នៅល្ងាចថ្ងៃពុធនេះ ក្នុងផ្សារទំនើប AEON ដោយបានប្រាក់រង្វាន់រាប់លានរៀល។

មុននឹងឈានមកដល់ការបកស្រាយពីអត្ថន័យគំនូររបស់ខ្លួនលើឆាក Domino's Pizza ជើងខ្លាំងទាំង ១០ នេះក៏បានប្រកួតលើហ្វេសប៊ុកម្ដងរួចមកហើយ ដោយក្រុមការងារ Domino's Pizza បានបង្ហោះស្នាដៃគំនូរ ២០ ប្រអប់ ដើម្បីស្វែងរកប្រអប់ចំនួន ១០ ដែលទទួលបានការចុច Like ច្រើនជាងគេ។ ៣ នាក់ដែលបានឈ្នះចុងក្រោយ មានដូចជា៖

លេខ១ កញ្ញា Sea Pichlina បានរង្វាន់ ៦.០០០.០០០ រៀល និងយកស្នាដៃទៅបោះពុម្ពលើប្រអប់ Domino's Pizza
លេខ២ លោក Inn Mayoura បានរង្វាន់ ២.៨០០.០០០ រៀល
លេខ៣ លោក Hean Vathana Anan បានរង្វាន់ ១.២០០.០០០ រៀល

កញ្ញា Sea Pichlina អ្នកបានលេខ១ ពីកម្មវិធីនេះ បាននិយាយថា៖ "គំនូរនេះខ្ញុំប្រើពេល ២យប់ ៣ថ្ងៃ ដើម្បីគូរវា ដោយបង្ហាញពីភាពល្បីល្បាញរបស់ Domino's Pizza ទូទាំងសកលលោកតែម្ដង។ ហើយសម្រាប់លុយដែលឈ្នះនេះ ក្រៅពីយកមួយចំនួនទៅឲ្យគ្រួសារ ខ្ញុំនឹងចូលជាមួយបងដែលឈ្នះលេខ២ (លោក Inn Mayoura) មួយចំនួន ដើម្បីទិញរបស់របរឲ្យក្មេងៗនៅតាមជាយខេត្ត"។

ក្រៅពីមានការចូលរួមពីគណៈកម្មការមកពីស្ថាប័នរដ្ឋ និងឯកជនធំៗនៅកម្ពុជាដូចជា សាលាមធ្យមវិចិត្រសិល្បៈ សាកលវិទ្យាល័យបញ្ញាសាស្រ្តកម្ពុជា ក្រុមហ៊ុនកូកាកូឡា ក្រុមហ៊ុនឌីហ្សាញគោព្រៃ និងអ្នកជំនាញគំនូរតាមផ្លូវនោះ អ្នកចូលរួមជាច្រើនក៏បានលេងហ្គេម ក៏ដូចជាបង្វិលកងឈ្នះរង្វាន់ពី Domino's Pizza ផងដែរ។

លោក គួច សុខលី អគ្គនាយកគ្រប់គ្រងក្រុមហ៊ុន យីនកុកហ្វូដខប (YINKOK Food Corp) បានឲ្យដឹង ថា៖ "ឆ្នាំនេះគួរឲ្យភ្ញាក់ផ្អើល ព្រោះរយៈពេលត្រឹមមួយខែសោះ យើងទទួលបានស្នាដៃសិល្បៈសរុបរហូតដល់ ២៨៣ ស្នាដៃ ដែលជាចំនួនមួយដ៏ច្រើនលើសពីការរំពឹងទុកទៅទៀត"។

លោកបន្តថា លោកចង់បង្ហាញទៅអន្តរជាតិឲ្យទទួលស្គាល់ថា ក្មេងៗរបស់កម្ពុជាយើង គឺមានសមត្ថភាព ហើយ Domino's Pizza កម្ពុជា មិនត្រឹមតែធ្វើជំនួញទេ ថែមទាំងធ្វើការងារសង្គមទៀតផង។

Domino's Pizza ជាភីហ្សាលេខ ១ មកពីសហរដ្ឋអាមេរិក ត្រូវបានទិញសិទ្ធិនាំចូលនៅកម្ពុជា ដោយYINKOK FOOD CORP ហើយ Domino's Pizza គឺជាអ្នកជំនាញឈានមុខគេក្នុងខាងការដឹកជញ្ជូនភីហ្សាគ្រប់ទីកន្លែងត្រឹម ៣០ នាទីប៉ុណ្ណោះ! កុម្ម៉ង់បានគ្រប់ពេលវេលា គ្រប់ទីកន្លែងតាមលេខ ១៨ ០០ ២០ ២០ ដោយឥតគិតថ្លៃ៕