Update ជុំវិញបញ្ហារបស់ ទូច បញ្ចរ៉ុង យកក្បាលបុកអាជ្ញាកណ្ដាល

2017-06-07 01:29:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែការពារបឹងកេត ទូច បញ្ចរ៉ុង ត្រូវបានសហព័ន្ធកីឡាបាល់ទាត់កម្ពុជាចេញសេចក្ដីសម្រេចដាក់ទណ្ឌកម្មមិនឲ្យចូលទីលានប្រកួតចំនួន ៨ខែ និងពិន័យជាប្រាក់ចំនួន ១លានរៀល ក្រោយពេលបង្កបញ្ហាយកក្បាលទៅបុកអាជ្ញាកណ្ដាលដោយចេតនាកាលពីពេលកន្លងទៅ។

លោក បែ មករា

ទាក់ទងបញ្ហានេះលោក បែ មករា អ្នកចាត់ការទូទៅរបស់បឹងកេតបានឲ្យដឹងថា ក្រុមការងាររបស់លោកបានដាក់លិខិតសុំបន្ធូរបន្ថយទោសទៅកាន់ FFC ក្រោយពេលសហព័ន្ធបានចេញសេចក្ដីប្រកាសដាក់ទណ្ឌកម្ម ទូច បញ្ចរ៉ុង មួយថ្ងៃ។ រហូតមកដល់ពេលនេះនៅមិនទាន់ទទួលបានការឆ្លើយតបរបស់សហព័ន្ធនៅឡើយ លោកគិតថាក្នុងសប្ដាហ៍នេះនឹងអាចទទួលចម្លើយជាក់ជាមិនខាន។

អ្នកចាត់ការរូបនេះបន្ថែមថា ទូច បញ្ចរ៉ុង ទើបតែបង្កើតកំហុសនេះជាលើកទី១ ដូច្នេះលោកគិតថា សហព័ន្ធគួរតែបន្ធូរបន្ថយទោសបានខ្លះ។ ជាងនេះទៅទៀត បញ្ចរ៉ុង ក៏បានសុំទោសលោកអាជ្ញាកណ្ដាលជាសាធារណៈហើយដែរ ក្រោយពេលបង្កកំហុសភ្លាមៗ។

ទូច បញ្ចរ៉ុង បានយកក្បាលទៅបុកអាជ្ញាកណ្ដាល ក្រោយកីឡាកររបស់បឹងកេតរូបនេះត្រូវបានអាជ្ញាកណ្ដាលពិន័យកាតក្រហម(លឿងពីរដង) ក្នុងជំនួបលីគកំពូលកម្ពុជាសប្ដាហ៍ទី១២ ដែលបឹងកេតចាញ់ភ្នំពេញក្រោន ២-១ នៅពហុកីឡដ្ឋានជាតិ៕