ក្ដៅៗ!...ចេញលទ្ធផលពីកិច្ចប្រជុំក្រុមការងារ CTN សម្រេចលើគ្រួសារលោក អ៊ិត សេដ្ឋា

2017-06-07 04:13:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ថវិកា និងការឧបត្ថម្ភជូនដល់គ្រួសារសព អ៊ិត សេដ្ឋា មានជាលំដាប់និងហូរហែ ប៉ុន្តែមិនទាន់មានការអះអាងណាមួយដែលបញ្ជាក់ថា អ្នកណានឹងឈរជាគោលជំហរចាត់ចែងថវិកាសម្រាប់គ្រួសារនេះនៅឡើយទេ។

មុននេះបន្តិច លោកតាវ៉ិចទ័រ ប្រាប់ Sabay លទ្ធផលសម្រេចក្នុងការប្រជុំដោះស្រាយពីគ្រួសារគ្មានគោលជំហរនេះចេញហើយ គឺបង្កើតជាមូលនិធិមួយ។

"លទ្ធផលនៃការប្រជុំ គឺក្រុមការងារបង្កើតជាមូលនិធិមួយដែលដើម្បីប្រមូលមូលនិធិ ជួយគ្រួសារគាត់ និងមានការផ្សាយផ្ទាល់នៅថ្ងៃព្រហស្បតិ៍ នៅទូរទស្សន៍ CNC”។ លោក តាវ៉ិចទ័រ ថ្លែង។

លោកបន្តថា សម្រាប់ថវិកា ដែលទទួលបានទាំងអស់ គឺក្រុមការងារនឹងបង្កើតជាកុងធនាគារមួយ ដែលមានគណៈកម្មការចំនួន១០នាក់សម្រាប់គ្រប់គ្រង និងចាត់ចែងចំណូលចំណាយលើថវិកាទាំងនោះ និងមើលថែរក្សា គ្រួសារដែលមានតែមនុស្សចាស់ជរា និងកុមារនេះមិនឲ្យរស់នៅអត់ឃ្លានឡើយ។

សម្រាប់ចំណូលបណ្ដោះអាសន្ននៅពេលនេះ មិនទាន់មានការសរុបជាក់លាក់ណាមួយទេ ព្រោះនៅមានសប្បុរសជនចូលរួមជួយជាហូរហែរ។ តែលោកបញ្ជាក់ថាក្រុមការងារ នឹងរក្សាទុកដោយម៉ត់ចត់ មុនការប្រកាសក្នុងបុណ្យ៧ថ្ងៃ។

អត្ថបទ៖ សុខណា