ហុក សុចិត្រា លើកចំណុចខ្វះខាតរបស់កម្ពុជាមុនប៉ះឥណ្ឌូណេស៊ីល្ងាចនេះ

2017-06-08 08:23:43
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ហុក សុចិត្រា ដែលជាអតីតខ្សែប្រយុទ្ធល្បីរបស់ក្រុមបាល់ទាត់ជម្រើសជាតិកម្ពុជា លើកពីចំណុចខ្សោយមួយចំនួនរបស់ក្រុមគោព្រៃសព្វថ្ងៃនេះ ដែលលោកមើលឃើញកន្លងមកនោះគឺ ការបញ្ជូនបាល់ឲ្យគ្នាមិនសូវស៊ីចង្វាក់និងមួយទៀតនោះគឺកាយសម្បទាតែម្ដង។

លោក ហុក សុចិត្រ ខាងស្ដាំ

លោក ហុក សុចិត្រ បានឲ្យដឹងថា ក្រុមបាល់ទាត់ជម្រើសជាតិកម្ពុជាបច្ចុប្បន្ននេះពិតជាមានការរីកចម្រើនខ្លាំង ដូចជាស្មារតីតស៊ូខំប្រឹងដើម្បីឈ្នះ បើនិយាយពីកម្លាំងកាយក៏ល្អប្រសើរហាត់បានដិតដល់ រីឯបច្ចេកទេសទៀតសោតក៏ល្អនិងមានតិចនិកប្រកួតខ្ពស់។ បើនិយាយពីចំណុចខ្សោយគឺមានតែបន្តិចបន្តួចនោះទេ បើពួកគេលេងឲ្យយល់ចិត្តគ្នាជាងនិងបន្តិចទៀត រឹតតែល្អប្រសើរថែមទៀត ខណៈកាយសម្បទាកីឡាករកម្ពុជាតួចៗ ហាក់នៅចាញ់ប្រៀបដៃគូបន្តិច។

កីឡាករ ជម្រើសជាតិកំពុងហ្វឹកហាត់

អតីតគ្រូជម្រើសជាតិរូបនេះបន្តឲ្យដឹងទៀតថា ចំពោះកីឡាករឥណ្ឌូណេស៊ី វិញក្រុមនេះខ្លាំង គេមានកីឡាករដែលមានសមត្ថភាពខ្ពស់ ហើយថែមទាំងមានកីឡាករបរទេសចូលសញ្ជាតិរួមនិងកូនកាត់ជាមួយចំនួនដែលលេងនៅតំបន់អឺរ៉ុបទៀត។ តែដោយក្រុមនេះជាប់បម្រាមពី AFC ចំនួន ២ឆ្នាំ ដូចនេះប្រកួតរបស់គេហាក់ធ្លាក់បន្តិច មិនសូវទាន់ល្អដូចដើមនោះទេ។

ក្រុមបាល់ទាត់ជម្រើសជាតិកម្ពុជានឹងត្រូវប្រកួតមិត្តភាពអន្តរជាតិជាមួយប្រទេសឥណ្ឌូណេស៊ី នៅល្ងាចនេះនៅកីឡដ្ឋានជាតិ ចាប់ពីម៉ោង ៦:៣០ នាទីតទៅ៕

អត្ថបទ៖ នួន ស៊ីណា