កម្មវិធី «កាលយើងនៅក្មេង» មានអត្ថន័យដ៏ស៊ីជម្រៅ! ចង់ដឹងទេ ថាជាអ្វី?
- 2017-06-12 02:36:53
- ចំនួនមតិ 0 | ចំនួនចែករំលែក 0
កម្មវិធី «កាលយើងនៅក្មេង» មានអត្ថន័យដ៏ស៊ីជម្រៅ! ចង់ដឹងទេ ថាជាអ្វី?
ចន្លោះមិនឃើញ
ព្រឹត្តិការណ៍ "កាលយើងនៅក្មេង" គឺជាគម្រោងដ៏ថ្មីសន្លាងរបស់ក្រុមទាយាទអង្គរ ដែលមានទស្សនវិស័យដ៏សំខាន់មួយគឺ “ដើម្បីលើកស្ទួយព្រះវិហារបុរាណរបស់ខ្មែរដែលជាបេតិកភណ្ឌជាតិ ដែលកំពុងតែសាបសូន្យ” ដោយផ្សារភ្ជាប់ការកម្សាន្ត សប្បុរសធម៌ ការលើកស្ទួយវប្បធម៌ជាតិ-វិស័យអប់រំ និង ការបំផុសគំនិតទេសចរណ៍សហគមន៍។
សូមចុចអាន៖ ចង់ត្រឡប់ទៅកាន់កុមារភាពរបស់អ្នកវិញដែរឬទេ? តោះ! ចូលរួមកម្មវិធី « កាលយើងនៅក្មេង »
ជាអត្ថន័យដ៏ស៊ីជម្រៅ ព្រឹត្តិការណ៍ “កាលយើងនៅក្មេង” ចង់ឲ្យអ្នកគ្រប់គ្នានឹកឃើញដល់កាលដែលគេនៅជាកុមារ ដែលវេលានោះ ព្រះវិហារបុរាណ នៅមានចំនួនច្រើនជាងសព្វថ្ងៃ។
ឆ្លងកាត់ដំណើរនៃពេលវេលា ព្រះវិហារបុរាណទាំងឡាយជាភស្តុតាងប្រវត្តិសាស្ត្រដ៏មានសារៈសំខាន់ _ កំពុងតែរងគ្រោះដោយការវាយកម្ទេចចោល ហើយជំនួសមកវិញនូវព្រះវិហារថ្មី គួរឲ្យព្រួយបារម្ភជាពន់ពេកណាស់។
ដោយមូលហេតុថា៖ បញ្ហាព្រះវិហារបុរាណ ជាបញ្ហាដ៏ស៊ីជម្រៅមួយ និង ដើម្បីទាក់ទាញអ្នកចូលរួមឲ្យបានចំនួនច្រើន ដោយមិនចង់ឲ្យនរណាម្នាក់ខកខានឱកាសដ៏កម្រនេះ ទើបព្រឹត្តិការណ៍នេះត្រូវបានដាក់ឈ្មោះថា “កាលយើងនៅក្មេង ត្រឡប់ទៅកាន់កុមារភាពរបស់យើង” ដោយបានបញ្ចូលនូវភាពសប្បាយៗនានាកាលនៅក្មេងដោយឈរលើគោលការណ៍លើកស្ទួយវប្បធម៌ជាតិ និង ការអប់រំ។
“ក្បាច់សាណី ឬ ក្បាច់សន្ធិយា” សិល្បៈដ៏កម្រនៅស្រុកយើងសព្វថ្ងៃ ក្នុងព្រះវិហារបុរាណ វត្តមជ្ឈិមវ័ន (នៅក្បែរវត្តចំប៉ា ទីតាំងកម្មវិធី)
ខណៈដែលបាននិយាយអំពីកុមារភាពហើយ ព្រឹត្តិការណ៍នេះក៏ព្យាយាមធ្វើយ៉ាងណាឲ្យកុមារកម្ពុជាទាំងឡាយមានវាសនាដូចគ្នា តាមរយៈការលើកស្ទួយការអាន ការធ្វើសប្បុរិសធម៌ និង ការបំផុសវេទិកាកុមារ ដោយប្រាថ្នាផ្ដល់ឱកាសដល់កុមារកម្ពុជាគ្រប់រូបដែលមានទេពកោសល្យ បានបង្ហាញសមត្ថភាព និង ទេពកោសល្យរបស់ពួកគេ។ ការណ៍ទាំងនេះនឹងធ្វើឲ្យព្រឹត្តិការណ៍នេះកាន់តែសម្បូរ បែបថែមទៀត ដែលនឹងបង្កើតអនុស្សាវរីយ៍សម្រាប់អ្នកចូលរួម-ប្រជាជនខ្មែរគ្រប់រូបនៅឯព្រះវិហារបុរាណ ជាមួយនឹងព្រះវិហារបុរាណផង។ ហើយដើម្បីរក្សានូវអនុស្សាវរីយ៍ក៏ដូចជាទឹកចិត្តស្រឡាញ់នាពេលានេះចំពោះព្រះវិហារបុរាណឲ្យគង់វង្សនោះ ព្រឹត្តិការណ៍ក៏បានបំផុសគំនិតទេសចរណ៍សហគមន៍ តាមរយៈ ក្បួនរទេះគោទស្សនាចរ ទៅទស្សនាព្រះវិហារបុរាណ ចំនួន ៣ ផ្សេងទៀតនៅក្នុងតំបន់ ផ្ទះបុរាណ សិប្បកម្មតម្បាញក្រមា សិល្បៈចាក់ចេក និង ភ្លេងបុរាណខ្មែរ ដែលសុទ្ធតែជាបេតិកភណ្ឌជាតិរូបី និង អរូបី ដែលកំពុងតែ ឋិតនៅគង់វង្សនៅក្នុងតំបន់ដែលនឹងរៀបចំព្រឹត្តិការណ៍នេះនៅឡើយ។
សិល្បៈចាក់ចេក - បេតិកភណ្ឌជាតិអរូបីដ៏កម្រនៅក្នុងតំបន់
ជាងនេះទៅទៀត “កាលយើងនៅក្មេង” គឺប្រារព្ធឡើងចំថ្ងៃនៃព្រះរាជពិធីបុណ្យចម្រើនព្រះជន្ម សម្ដេចព្រះមហាក្សត្រី សម្ដេចយាយ។ លើសពីការអបអរសាទររព្រះរាជពិធីបុណ្យចម្រើនព្រះជន្ម សម្ដេចម៉ែ ព្រឹត្តិការណ៍នេះក៏មានគោលដៅដើម្បីចង់ឲ្យប្រជាជនខ្មែរគ្រប់រូបបានយល់ដឹងឲ្យបានស៊ីជម្រៅថា ព្រះវិហារបុរាណទាំងឡាយ ភាគច្រើន គឺជាព្រះកេរមរតកដែលបន្សល់ ដោយព្រះមហាក្សខ្មែរពីសម័យបុរាណ។ ម្យ៉ាងក៏ចង់ឲ្យប្រជាជនខ្មែរគ្រប់រូបបានចងចាំអំពីព្រះគុណូបការៈដ៏ខ្ពង់ខ្ពស់របស់ព្រះមហាក្សត្រីខ្មែរ ដែលតែងតែជួយជ្រោមជ្រែងលើកស្ទួយវិស័យវប្បធម៌ជាតិក៏ដូចជាព្រះពុទ្ធសាសនា។
គួរឲ្យចាប់អារម្មណ៍ដែរទេ? កុំឲ្យខកខានឱកាសដ៏ល្អនេះឲ្យសោះណា៎... ព្រឹត្តិការណ៍ «កាលយើងនៅក្មេង» នឹងប្រព្រឹត្តទៅចំនួន ២ ថ្ងៃកន្លះ៖ ថ្ងៃសៅរ៍ អាទិត្យ និង ព្រឹកថ្ងៃចន្ទ ទី ១៧ ១៨ និង ១៩ ខែមិថុនា ព. ស. ២៥៦១ គ. ស. ២០១៧ នៅឯវត្តបុរាណ ចំប៉ា ម្ដុំព្រែកឯង តាមបណ្ដោយផ្លូវជាតិលេខ ១ រាជធានីភ្នំពេញ។ លោកអ្នកអាចចូលរួមកម្សាន្តដោយសេរី ចាប់ពីម៉ោង ៨ ព្រឹក រហូតដល់ម៉ោង ៨ យប់។
តើលោកអ្នកមានចំណាប់អារម្មណ៍ចង់ជួលតូបលក់ផលិតផលដែរឬទេ? សូមទាក់ទងតាមរយៈលេខទូរសព្ទខាងក្រោមនេះ៖
០៨១ ៨០៩ ៥៣៦
០៨៦ ៥៦៦ ៧៧៨
០៧៧ ២២០ ០៨៣
០១០ ២៨១ ០៦៩
០១០ ៦០០ ៨៤៨
០១២ ៦៧៩ ៩៩៥
ព័ត៌មានលម្អិត សូមចូលទៅកាន់ទំព័រ Facebook ទាយាទអង្គរ - Angkor Inheritor
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
