ហេតុអ្វីប៉ាចាកចេញពេលកូនមានឱកាសសងគុណ (វីដេអូ)

2017-06-16 11:28:57
ចំនួនមតិ 0 | ចំនួនចែករំលែក 0

ចន្លោះមិនឃើញ

«កាលពីមុនខ្ញុំនៅក្មេងខ្ចីពេក ស្រលាញ់ប៉ាតែអត់ចេះបង្ហាញឲ្យគាត់ដឹង ។ មួយថ្ងៃៗខ្ញុំគិតតែប្រឹងរៀនមិនបានខ្វល់ខ្វាយយកចិត្តទុកដាក់ពីប៉ាឡើយ។ ដល់ពេលខ្ញុំចាប់ផ្តើមចាស់ចិត្តគំនិត ចេះរកលុយ អាចសងគុណប៉ា ស្រាប់តែអកុសលអី គាត់ជួបគ្រោះថ្នាក់ត្រូវចាកឆ្ងាយពីខ្ញុំជារៀងរហូត»។ នេះគឺជាសម្តីរៀបរាប់យ៉ាងក្តុកក្តួលរបស់លោកស្រី ប៊ុន ចាន់និមល បច្ចុប្បន្នជាម្ចាស់ផលិតកម្មសាស្ត្រា និងជាអ្នកនិពន្ធល្បីឈ្មោះម្នាក់។

រំលឹកដល់គ្រាដែលឪពុកជាទីស្រលាញ់វ័យ ៤០ឆ្នាំលាចាកលោក លោកស្រីនិយាយទាំងរំជួលចិត្តថា ៖«ខ្ញុំមិនដឹងថាត្រូវយកពាក្យអីមករៀបរាប់អារម្មណ៍ពេលនោះទេ ព្រោះវាបានកើតឡើងឆាប់រហ័សពេក។ ខ្ញុំបានបាក់ទឹកចិត្ត និងសោកស្តាយយ៉ាងខ្លាំង ព្រោះតាមពិតក្នុងចិត្តខ្ញុំតែងប៉ងថាពេលរៀនចប់នឹងប្រឹងរកលុយជួយសម្រាលបន្ទុកគ្រួសារដោយសារកាលនោះជីវភាពយើងពិតជាលំបាកខ្លាំងណាស់»។

និមល បន្តថា៖ «ក្រោយមកខ្ញុំក៏ចាប់ផ្តើមយល់ ប៉ាបានទៅបាត់ហើយតែខ្ញុំនៅមានម៉ាក់ អីចឹងខ្ញុំត្រូវតែរឹងមាំ ត្រូវយកចិត្តទុកដាក់ចំពោះម៉ាក់ ធ្វើឲ្យម៉ាក់ខ្ញុំសប្បាយចិត្ត ដូចពាក្យចាស់ពោលថាធ្វើបុណ្យទាន់ខែភ្លឺ»។

មិនធ្លាប់ទម្លាយឲ្យអ្នកណាដឹងឡើយពីរឿងរ៉ាវទាក់ទងនឹងឪពុក ថ្ងៃនេះ និមល សុខចិត្តបើកបេះដូងបង្ហាញពីអារម្មណ៍ពិតទាំងអស់មិនលាក់លៀមឡើយ៕

ចង់ច្បាស់ សូមមើលវីដេអូខាងក្រោម ៖