រឿងខ្លីរំជួលចិត្ត "First Crush” បង្ហាញពីមនុស្សម្នាក់ ដែលជាបុរសម្នាក់ ស្វាមីម្នាក់ និងឪពុកម្នាក់

2017-06-17 06:07:33
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងខ្លីមួយមួយ កំពុងធ្វើឲ្យមានការចាប់អារម្មណ៍នៅលើបណ្ដាញសង្គមមានចំណងជើងថា "First Crush” ផលិតដោយក្រុមផលិតរបស់ផលិតកម្ម Unix Production ។ រឿងនេះផលិតឡើងដើម្បីអបអរថ្ងៃ "Father's Day" ដែលនឹងមកដល់នាថ្ងៃអាទិត្យសប្ដាហ៍នេះ។

ដូច្នេះហើយ "First Crush" ឆ្លុះបង្ហាញពីការពុះពាររបស់បុរសវ័យក្មេងម្នាក់ដែលមាននាទីជាស្វាមីផង និងជាឪពុកមួយរូបផង ព្យាយាមផ្ដល់ក្ដីស្រឡាញ់ និងការគាំពារតាមគ្រប់វិធីដែលគេអាចធ្វើបានសម្រាប់ភាពកក់ក្ដៅនៃក្រុមគ្រួសារក្មេងខ្ចីរបស់គេ។ ពិសេសឆ្លុះបង្ហាញសភាពឪពុក ក៏ដូចស្វាមីនាពេលបច្ចុប្បន្ន ជាពេលដែល គ្រប់គ្នាទទួលជ្រាបថា "ម្ដាយមិនមែនជាអ្នកដែលត្រូវទទួលបន្ទុកធ្ងន់តែម្នាក់ ក្នុងការបីបាច់កូននោះទេ ក្រោយនាងបានហែលឆ្លងទន្លេទុក្ខនាំបុត្រមកជូនអ្នកហើយ"។

រឿងនេះដឹកនាំដោយលោក រិទ្ធ ហួរឧត្តម ចាត់ចែងផលិតដោយ ជួន ម៉ូនីតា។ នាយកផ្នែករូបភាពដោយ រិទ្ធ ហួររក្សា និងនាយកនៃការច្នៃប្រឌិតដោយ ជួន ម៉ូនីតា។ Original Song ដោយ ផានិត ក្មៃ ដោយឡែកតួសម្ដែងដោយកញ្ញា ឆុំ វត្តី និងលោក មឿន ឯកសុភារិទ្ធ។

សូមទស្សនាទាំងអស់គ្នា!!!

*អស្ចារ្យណាស់ កុមារីខ្មែរ សុរិន្ទរូបនេះ

*រឿងពាក់ព័ន្ធនឹងរឿង "ស្ដេចកន"

អត្ថបទ៖ ទារិកា