បទថ្មី«ឪពុកអ្នកក្រ» ថាកុំតូចចិត្តកើតជាកូនអ្នកក្រសំខាន់គឺមានពុកល្អ

2017-06-17 07:22:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ឡើងកម្សត់លន្លង់លន្លោចម៉ង បទថ្មីនាងតូច សុវត្ថិឌី ធារិកា ច្រៀងរៀបរាប់ពី អារម្មណ៍កូនស្រីអ្នកក្រដែលមានឪពុកល្អមានប្រឹងប្រែងតស៊ូដើម្បីអនាគតកូនស្រី ខណៈអ្នកម្តាយបានចាកចេញឆ្ងាយ ពេលនេះកំពុងតែក្តៅខ្លាំងលើបណ្តាញសង្គមហ្វេសប៊ុកបន្ទាប់ពីបានចេញជាផ្លូវការកាលពីថ្ងៃទី ១០ មិថុនាកន្លងទៅនេះ ។

តោះ! មើលឃ្លាខ្លះៗក្នុងបទចម្រៀង ៖

«មិនតូចចិត្តទេ ទោះកើតជាកូនអ្នកក្រ សំខាន់ខ្ញុំមានពុកល្អ ប្រឹងត្រដរតស៊ូថែកូន ពេលម៉ែទៅចោល រស់លំបាករសាត់ដូចក្បួន កម្សត់ពីរនាក់ឪពុកកូន ជីវិតរត់លូនក្រោមកំដៅថ្ងៃ យប់ឡើងពុកព្រួយ គិតរឿងក្រពះថ្ងៃស្អែក ដេកយំបង្ហូរទឹកភ្នែក នឹកសង្វែគអាសូរកូនស្រី កូនគេអ្នកមាន រស់លើវីឡាស្កឹមស្កៃ មិនដែលស្គាល់ទុក្ខភ័យ ហេតុអ្វីវាសនាកើតមកខុសគ្នា?» ។

យ៉ាងម៉េចដែរកម្សត់មែនអត់?

លោក សាវិន ហ្វីលីព អ្នកនិពន្ធបទនេះបានឲ្យដឹងថាបទនេះជារឿងពិតរបស់មនុស្សម្នាក់ដែលលោកធ្លាប់ស្គាល់ ហើយស្រប ទិវាឪពុក ជិតមកដល់ផងនោះ លោកក៏បញ្ចេញស្នាដៃឲ្យហើយតែម្តង។

Sabay ជឿជាក់ថាអត្ថន័យបទនេះអាចត្រូវរឿងរ៉ាវមនុស្សជាច្រើនទៀត ពិសេសសម្រាប់យុវវ័យ បើស្តាប់បទចម្រៀងនេះ គឺអាចទទួលបានកម្លាំងចិត្តជាពិសេសដើម្បីតស៊ូប្រឹងជម្នះឧបសគ្គក្នុងជីវិត ទោះអ្នកកើតមកមិនមានវាសនាល្អដូចគេ តែអ្នកត្រូវមានជំនឿថាអាចធ្វើឲ្យជីវិតខ្លួនប្រែជាប្រសើរបាន តាមរយៈការខំប្រឹងសិក្សា ធ្វើការ និង ធ្វើតែអំពើល្អៗឲ្យអ្នកផងស្រលាញ់រាប់អាន នោះអ្នកនឹងជួបតែរឿងល្អៗក្នុងជីវិត។ នេះដូចពាក្យរបស់ Bill Gates ថា៖« បើអ្នកកើតមកក្រមិនមែនជាកំហុសរបស់អ្នកទេ តែបើអ្នកស្លាប់ទៅក្រនោះទើបជាកំហុសរបស់អ្នក »៕

ចង់កាន់តែច្បាស់ពីអត្ថន័យកម្សត់បង្កប់ខ្លឹមសារដ៏មានន័យ នៃបទ ឪពុកអ្នកក្រ សូមមើលវីដេអូ៖