Domino បើកសាខាថ្មីបញ្ចុះតម្លៃ ៥០% ហើយ អាចមានឱកាសឈ្នះ iPhone 7 ទៀត

2017-06-26 07:22:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីអបអរពិធីសម្ពោធហាង Domino's Pizza សាខាផ្សារដើមថ្កូវជាផ្លូវការនៅថ្ងៃទី២៤ មិថុនា ២០១៧ ដែលជាម៉ាកភីហ្សាលំដាប់លេខ ១ មកពីអាមេរិក Domino មានប្រូម៉ូសិនពិសេសដោយបញ្ចុះតម្លៃ ៥០% លើការទិញភីហ្សាខ្នាតធំ និងខ្នាតកណ្ដាលគ្រប់រសជាតិ។

កាន់តែពិសេសជាងនេះ Domino's Pizza ក៏រៀបចំជាកម្មវិធីចាប់ឆ្នោតផ្សងសំណាងផ្ដល់ជូនរង្វាន់ធំជាទូរសព្ទ iPhone 7 ដល់អតិថិជនដែលបានចំណាយចាប់ពី ៨ ដុល្លារឡើងទៅ រួមទាំងកម្មវិធីប្រកួតប្រជែងស្វែងរកជ័យលាភីធ្វើភីហ្សាបានលឿនជាងគេជាមួយនឹងរង្វាន់ទឹកប្រាក់សរុប ២លានរៀល។

លោក គួច សុខលី នាយកគ្រប់គ្រងក្រុមហ៊ុនយីនកុកហ្វូដខប ដែលជាសម្ព័ន្ធក្រុមហ៊ុនទិញសិទ្ធិDomino's Pizza មកបើកនៅកម្ពុជា មានប្រសាសន៍ថា៖ "ក្នុងរយៈពេល ២ ឆ្នាំកន្លងមកនេះ យើងទទួលបានជោគជ័យយ៉ាងខ្លាំងចំពោះការបើកដំណើរការ Domino's Pizza ទាំង ៥ សាខានៅភ្នំពេញ ដោយទទួលបានការគាំទ្រច្រើនពីសំណាក់អតិថិជន ដែលចូលចិត្តទទួលទានភីហ្សារសជាតិដើមពីសហរដ្ឋអាមេរិក"។

លោក គួច សុខលី បានបន្តថា៖ "ទន្ទឹមនឹងនេះ ពួកយើងកំពុងតែបោះជំហានទៅរកការពង្រីកខ្លួនកាន់តែច្រើនឡើង ជាមួយនឹងគម្រោងបើកដំណើរការហាងសរុបចំនួន ២០ សាខាក្នុងឆ្នាំ ២០២០"។

Domino's Pizza គឺជាម៉ាកភីហ្សាលេខ ១ មកពីសហរដ្ឋអាមេរិក បើកដំណើរការសាខាដំបូងក្នុងឆ្នាំ ២០១៥ ដោយបច្ចុប្បន្ន Domino's Pizza មានសាខាសរុបចំនួន ៦ នៅបឹងកេងកង ផ្សារទំនើបស៊ីធីម៉ល IFL ផ្សារទំនើបអ៊ីអនម៉ល ភ្នំពេញថ្មី និងសាខាផ្សារដើមថ្កូវ ដែលទើបបើកសម្ពោធនេះ៕