Vidal៖ មុនប៉េណាល់ទី Bravo ថានឹងចាប់ឲ្យបានពីរទៅបីបាល់

2017-06-29 08:35:46
ចំនួនមតិ 0 | ចំនួនចែករំលែក 0

ចន្លោះមិនឃើញ

Arturo Vidal របស់ក្រុមជម្រើសជាតិឈីលីបានបង្ហើប ពីសម្ដីរបស់ Claudio Bravo បានប្រាប់ទៅមិត្តរួមក្រុម មុនពេលសង្គ្រោះបាល់ប៉េណាល់ទី៣គ្រាប់របស់ព័រទុយហ្គាល់ នៅ Confederations Cup កាលពីយប់មិញ។

ក្រោយបញ្ចប់៩០នាទី បូកទាំងម៉ោងបន្ថែម ឈីលីនិងព័រទុយហ្គាល់នៅតែមិនអាចរកគ្រាប់បាល់បានដូចគ្នា ដូច្នេះត្រូវសម្រេចរកអ្នកឈ្នះដោយបាល់ប៉េណាល់ទី។ ៣គ្រាប់ដំបូងរបស់ម្ចាស់បាន Euro 2016 ទាត់ដោយ Ricardo Quaresma, Joao Moutinho និង Nani សុទ្ធមិនអាចឆ្លងផុតដៃរបស់ Bravo។

បន្ទាប់ពីចប់ការប្រកួត Vidal បានទម្លាយពាក្យដែល Bravoប្រាប់មិត្តរួមក្រុមមុនពេលប៉េណាល់ទីថា៖ " Bravo ពិតជាអស្ចារ្យ។ គេបានប្រាប់ពួកធ្វើមុនទាត់ថា គេនឹងចាប់យ៉ាងណាឲ្យបាន២ទៅ៣បាល់"។ ឈីលីនឹងឡើងលេងវគ្គផ្ដាច់ព្រ័ត្រ ប៉ះអាល្លឺម៉ង់ឬម៉ិកស៊ីក ដែលត្រូវលេងយប់នេះម៉ោង១រំលងអាធ្រាត្រ៕