ប្រធាន​ក្រុម​អាល្លឺម៉ង់ Julian Draxler ​បាន​ក្លាយ​ជា​ម្ចាស់​ពាន​ Golden Ball (កីឡាករ​លេង​ល្អ​ជាង​គេ) បន្ទាប់​ពី​ជួយ​ក្រុម​ឈ្នះ​ឈីលី​នៅ​វគ្គ​ផ្ដាច់ព្រ័ត្រ​ Confederations Cup ខណៈ Timo Werner បាន​ពាន Golden Boot (កីឡាករ​រក​គ្រាប់​បាល់​បាន​ច្រើន​ជាង​គេ)។

អាល្លឺម៉ង់​​ដែល​សម្បូរ​ទៅ​ដោយ​កីឡាករ​វ័យ​ក្មេង​បាន​រក​សម្ពាធ​ខ្លាំង​នៅ​វគ្គ​ទី​១​ ពី​ការ​សង្កត់​​​របស់​ឈីលី។ តែ​សំណាង​ហុច​ឲ្យ​នៅ​នាទី​ទី​២០ Lars Stindl របស់​អាល្លឺម៉ង់​រក​បាន​១​គ្រាប់ ពី​ការ​ខូច​បាល់​របស់​កីឡាករ​ឈីលី។ មួយ​គ្រាប់​នេះ​ហើយ​នាំ​ឲ្យ​អាល្លឺម៉ង់​លើក​ពាន Confederations Cup ជា​លើក​ដំបូង។​

ក្នុង​ព្រឹត្តិការណ៍​​នេះ Timo Werner និង​មិត្ត​រួម​ក្រុម Leon Goretzka ឈរ​លើ​កំពូល​តារាង​ជា​អ្នក​រក​គ្រាប់​បាល់​បាន​ច្រើន​ជាង​គេ​មាន​​៣​គ្រាប់ ប៉ុន្តែ Werner បញ្ជូន​គ្រាប់​បាល់​ឲ្យ​គេ​ទាត់​បាន​២​គ្រាប់​ដូច្នេះ​ធ្វើឲ្យ​គេ​ក្លាយ​ជា​ម្ចាស់​ពាន Top Scorer៕ ​​​

ចុចអាន៖

• អាល្លឺម៉ង់ផ្តួលឈីលី លើកពាន Confederations Cup លើកដំបូង

• អ្នក​​កីឡា​ល្បី​ៗលើ​ពិភពលោក​ ហួស​ចិត្ត​នឹង​ចៅក្រម​​​ដាក់​ពិន្ទុ​ឲ្យ Pacquiao ចាញ់

ប្រភព៖ Goal   ប្រែ​សម្រួល៖ ហេង សុធារិទ្ធិ