សង្ឃឹម កូនប្រុសពិការ អ៊ិត សេដ្ឋា អាចដើរបាន ក្រោយទទួលការព្យាបាលពីគ្រូពេទ្យចិត្តធម៌

2017-07-04 07:14:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីករ សាយ រតនៈ បានប្រាប់ Sabay ថាលោកគ្រោងនឹងនាំកូនប្រុសពិការជើងរបស់លោក អ៊ិត សេដ្ឋា ទៅជួបជាមួយគ្រូពេទ្យចិនចិត្តធម៌ម្នាក់ ដើម្បីទទួលការព្យាបាលក្នុងពេលឆាប់ៗនេះហើយ។

“បាទពេលនេះ ខ្ញុំកំពុងតែរកពេលណាត់ជួបគ្រូពេទ្យចិនដើម្បីជួយព្យាបាលកូនប្រុសពិការ របស់ បង អ៊ិត សេដ្ឋា តែខ្ញុំអត់ទាន់ដឹងច្បាស់ថា ប្អូនប្រុសគាត់អាចរួចផុតពីភាពពិការ ឬយ៉ាងណានោះទេ ទាល់តែជួបគ្រូពេទ្យចិនចិត្តធម៌សិនបានដឹង"។ ពិធីកររូបនេះលើកឡើងដូច្នេះ។

សាយ រតនៈ បន្ថែមថា តាមការអះអាងពីគ្រូពេទ្យចិន កូនប្រុសពិការ អ៊ិត សេដ្ឋា ឈ្មោះ អ៊ិត មនោរម្យ អាចមានសង្ឃឹមថាព្យាបាលជា ព្រោះកន្លងមកខាងគ្រូពេទ្យចិន ក៏ធ្លាប់ជួបជំងឺប្រភេទនេះដែរ ព្រមទាំងព្យាបាលឲ្យដើរបានទៀតផង។

គ្រូពេទ្យចិនដែលត្រូវនាំ អ៊ិត មនោរម្យ ទៅព្យាបាលនេះគឺនៅភ្នំពេញ ចំណែកឯថ្លៃព្យាបាលវិញមិនគិតថ្លៃអ្វីទាំងអស់ Free ជូនតែម្ដង។ សាយ រតនៈ បញ្ជាក់។ ចំពោះមូលហេតុដែលបណ្តាលឲ្យគ្រូពេទ្យចិនសុខចិត្តព្យាបាលដោយមិនយកកម្រៃនោះ ក៏ព្រោះតែការអាណិតអាសូរចំពោះកូនប្រុសលោក អ៊ិត សេដ្ឋា៕