យប់នេះ ជើងខ្លាំង ផល សោភ័ណ្ឌ ឃ្លាតពីអ្នកគាំទ្រទៅសម្រួចវិជ្ជាគុននៅថៃមួយខែ

2017-07-14 08:55:18
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់សកលកម្ពុជា៣រូប គឺកីឡាករ ផល សោភ័ណ្ឌ ពេជ្រ ម្ទេសខ្មាំង និង ហ្វីលីក មីលីនម៉ាទីនចេញទៅហ្វឹកហាត់យកបទពិសោធនបន្ថែមទៀតនៅប្រទេសថៃ១ខែសម្រាប់ត្រៀមចេញទៅព្រឹត្តិការណ៍កីឡាស៊ីហ្គេមនៅប្រទេសម៉ាឡេស៊ីនាពេលពេលខាងមុខ។

ផល សោភ័ណ្ឌ និងកីឡាករ ព្រមទាំងគ្រូ

លោកគ្រូ វ៉ែន សុផល បានលើកឡើងថា ដើម្បីបង្កើនគុណភាពកីឡាករ៣រូបនេះ សហព័ន្ធប្រដាល់សកលកម្ពុជាបានសហការគ្នាជាមួយសហព័ន្ធប្រដាល់សកលរបស់ប្រទេសថៃក្នុងការនាំយកកីឡាករទាំង៣រូបខាងលើ ទៅហ្វឹកហាត់បច្ចេកទេសនិងកម្លាំងបន្ថែមទៀតផងដែរ។ សម្រាប់ការស្នាក់នៅក៏ដូចជាការហូបចុកនោះគឺភាគីខាងថៃជាអ្នករាប់រងទាំងអស់។

ពេជ្រ ម្ទេសខ្មំាង

គ្រូជម្រើសជាតិរូបនេះបន្តថា ការចេញទៅហ្វឹកហាត់នៅថៃនេះ ជាការល្អមួយសម្រាប់កីឡាករកម្ពុជា ព្រោះថានៅកន្លែងហ្វឹកហាត់ថ្មីមានបរិយាកាសប្លែក ហើយរៀបរបនៃការហ្វឹកហាត់ក៏អាចថាប្លែកខុសពីកម្ពុជាផងដែរ។ ប្រទេសថៃជាប្រទេសមួយមានការជឿនលឿនខ្លាំងខាងវិស័យប្រដាល់សកល ដូចនេះជាឱកាសល្អមួយសម្រាប់កីឡាករកម្ពុជាយកបទពិសោធថ្មីៗក្នុងការពង្រឹងសមត្ថភាពខ្លួនឯងឈានទៅយកមេដាយស៊ីហ្គេមនាពេលខាងមុខ។

រូបសហព័ន្ធ

លោកគ្រូ វ៉ែន សុផល រួមនិងកីឡាករ ផល សោភ័ណ្ឌ ពេជ្រ ម្ទេសខ្មាំង ហ្វីលីក មីលីនម៉ាទីន នឹងចេញដំណើរទៅប្រទេសថៃនៅថ្ងៃទី១៤ ខែកក្កដា ឆ្នាំ២០១៧ រហូតដល់ថ្ងៃទី១៤ ខែសីហា ទើបវិលត្រលប់មកកម្ពុជាវិញ៕

អត្ថបទ៖ នួន ស៊ីណា