រឿង សោភ័ណ្ឌ៖ ខ្ញុំស្អប់ចរិតឌឺ Iquezang ខ្ញុំចង់វ៉ៃជាមួយគេ ទោះជាវ៉ៃនៅទីណាក៏បាន

2017-07-10 02:47:10
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ល្បីឈ្មោះជួរមុខរបស់កម្ពុជា រឿង សោភ័ណ្ឌ ថាខ្លួនពិតជាមិនពេញនូវការឌឺដងរបស់កីឡាករថៃ Iquezang នៅពេលប្រកួតនោះឡើយ ជាក់ស្ដែងការប្រកួតកន្លងទៅជាមួយកីឡាករកម្ពុជាតែម្ដង ហាក់ដូចជាមើលងាយគេខ្លាំងណាស់។

កីឡាករ រៀង សោភ័ណ្ឌ

កីឡាករ រៀង សោភ័ណ្ឌ បានឲ្យដឹងម្សិលមិញនេះថា បើមានខាងស្ថានីយទូរទស្សន៍ណាមួយ អាចរៀបចំឲ្យរូបគេបានជួបប្រកួតជាមួយកីឡាករថៃកំពូលឌឺ Iquezang នេះលោកពិតជាអរគុណណាស់ ព្រោះខ្លួនចង់វ៉ៃឲ្យគេដឹងថាគុនខ្មែរមិនធម្មតានោះទេ។ ខាងភាគីថៃក៏អាចហៅរូបគេ(រឿង សោភ័ណ្ឌ)ទៅប្រកួតជាមួយ Iquezang នៅឯទីនោះក៏បានដែរ គឺគេបើកទ្វាផ្ទះស្វាគមន៍ ២៤ម៉ោង ហើយឲ្យតែផ្ដល់តម្លៃខ្លួនសមរម្យ។

អ្នកប្រដាល់ដើមកំណើតមកពីខេត្តកណ្ដាលរូបនេះបន្ថែមទៀតថា ខ្លួនពិតជាមិនខ្លាចនឹងប៉ះកីឡាករថៃខាងលើនោះទេ ឲ្យតែទម្ងន់ដូចគ្នាគឺអាចប្រកួតបានឡើយ។ បើសិនជាមានការប្រកួតមែនខ្លួននឹងចំណាយពេល១ខែសម្រាប់ហ្វឹកហាត់ ដោយមិនទទួលការប្រកួតនៅតាមសង្វៀននានាក្នុងស្រុកនោះឡើយ។ ចំពោះការប្រកួតនេះច្បាស់ជាល្អមើល បើទោះជាចាញ់ឬឈ្នះក៏ដោយគឺដឹងតែល្អមើលតែម្ដង ហើយនឹងវ៉ៃឲ្យសមនិងពាក្យថា «យើងទៅសុំគេវៃ»។

កីឡាករ រឿង សោភ័ណ្ឌ ជាអ្នកប្រដាល់មកពីក្លឹបម្ពុដរាជសីហ៍ គេជាជើងខ្លាំងរបស់កម្ពុជាហើយរាល់ការប្រកួតបច្ចុប្បន្នរបស់គឺជួបតែបរទេសនោះទេ ការប្រកួតចុងក្រោយរបស់ សោភ័ណ្ឌ ឈ្នះកីឡាករ ថៃ កាណុងដេត ដោយពិន្ទុនៅសង្វៀន PNN ៕

អត្ថបទ៖ នួន ស៊ីណា