កីឡាករនីហ្សេរីយ៉ាម្នាក់មកលេងក្រុមតូចដើម្បីឈានចូលលីគកម្ពុជា
- 2017-07-11 02:08:52
- ចំនួនមតិ 0 | ចំនួនចែករំលែក 0
កីឡាករនីហ្សេរីយ៉ាម្នាក់មកលេងក្រុមតូចដើម្បីឈានចូលលីគកម្ពុជា
ចន្លោះមិនឃើញ
កីឡាករជនជាតិនីហ្សេរីយ៉ាម្នាក់បានមកប្រកបអាជីពបាល់ទាត់នៅលើទឹកដីកម្ពុជារយៈពេលជិតមួយឆ្នាំហើយ ប៉ុន្តែមិនទាន់មានឱកាសលេងនៅក្លឹបក្នុងលីគបាល់ទាត់កំពូលកម្ពុជាឡើយ។
Noluka Uche Raul កំពុងលេងនៅក្រុម Khmer United ដែលជាក្រុមលេងពានរង្វាន់អាជីពចម្រុះ Khmer Real Estate League និងលេងឲ្យក្រុមមួយផ្សេងទៀតក្នុងពានរង្វាន់ KHM Champion League។ គោលបំណងរបស់គេគឺចង់ចូលលេងឲ្យក្រុមណាមួយនៅក្របខណ្ឌលីគបាល់ទាត់កំពូលកម្ពុជា។
Noluka ប្រាប់ថា សមត្ថភាពរបស់គេនៅមានកម្រិត ដូច្នេះរូបគេត្រូវតែចូលលេងនៅក្រុមតូចៗដើម្បីសន្សំបទពិសោធន៍នៅលើទីលានមុនបោះជំហានចូលលេងលីគ។ តាមពិតទៅការលេងនៅតាមក្រុមតូចៗក៏ត្រូវបានគេតាមពិនិត្យមើលសមត្ថភាពដែរ អីចឹងបើលេងល្អគេនឹងទាក់ទងឲ្យទៅលេងក្លឹបធំមិនខានឡើយ។ ជាក់ស្តែងមានកីឡាករមួយចំនួនលេងនៅក្លឹបតូចៗត្រូវបានគេទាក់ទងចូលលេងក្លឹបនៅលីគដោយសារពួកគេបង្ហាញសមត្ថភាពល្អ។
កីឡាករនីហ្សេរីយ៉ារូបគេនេះបញ្ជាក់ថា រូបគេបានមកកម្ពុជាតាំងពីមុនលីគកម្ពុជារដូវកាល២០១៧នេះចាប់ផ្តើម ប៉ុន្តែមិនទាន់មានឱកាសចូលខ្លួនទៅក្លឹបលីគឡើយ។ រូបគេសង្ឃឹមថា រដូវកាលក្រោយ រូបគេអាចមានឱកាសចូលលេងបាន។ យ៉ាងណា Noluka មិនប្រាថ្នាចូលក្លឹបធំៗដូចជាភ្នំពេញក្រោន បឹងកេត ឬណាហ្គាវើលឡើយ ប៉ុន្តែរូបគេប្រាថ្នាចូលលេងក្លឹបតូចៗដូចជា វេស្ទើនភ្នំពេញ មជ្ឈមណ្ឌលកម្ចាត់មីនកម្ពុជា ឬអាស៊ីអឺរ៉ុបជាដើម។ កាលពីថ្ងៃអាទិត្យ ទី៩ ខែកក្កដាកន្លងទៅនេះ Noluka Uche Raul ស៊ុតបាន៣គ្រាប់ម្នាក់ឯងជួយឲ្យក្រុម Khmer United យកឈ្នះក្រុមខ្លាំង Nissay ដោយលទ្ធផល ៣-១ ក្នុងសប្តាហ៍បញ្ចប់វគ្គសន្សំពិន្ទុនៃពានរង្វាន់ KRE-League។ ចប់វគ្គសន្សំពិន្ទុ Khmer United ឈរលើកំពូលតារាង ប៉ុន្តែក្រុមទាំងពីរនេះត្រូវជួបគ្នាម្តងទៀតនៅវគ្គពាក់កណ្តាលផ្តាច់ព្រ័ត្រដោយសារក្រុម Nissay ស្ថិតនៅលេខ៤ត្រូវលេងជាមួយក្រុមកំពូលតារាង ខណៈក្រុមលេខ២ត្រូវប៉ះក្រុមលេខ៣។
ពាក់ព័ន្ធនឹងការប្រកួតពាននេះ Uche Raul បានឲ្យដឹងថា រូបគេសង្ឃឹមជួយក្រុម Khmer United ឈ្នះពាន KRE-League នៅរដូវកាលនេះ ពីព្រោះតាំងពីពានរង្វាន់នេះបង្កើតឡើង ក្រុមរបស់ គីម ហ៊ាងមិនធ្លាប់ឈ្នះឡើយ។ រូបគេមិនហ៊ានសន្និដ្ឋានប៉ុន្មានភាគរយថានឹងអាចឈ្នះពានទេ ប៉ុន្តែត្រូវលេងឲ្យឈ្នះនៅវគ្គពាក់កណ្តាលផ្តាច់ព្រ័ត្រជាមុនសិន៕
កម្មវិធីប្រកួតវគ្គពាក់កណ្តាលផ្តាច់ព្រ័ត្រ
ក្រុម Khmer United vs ក្រុម Nissay
ក្រុម Blue Dragon vs ក្រុម Bayon
អត្ថបទសំខាន់ៗផ្សេងៗទៀត
ស្ថាបនាលើកពាន Khmer Real Estate 2016 ដោយឈ្នះប៉េណាល់ទីលើ Khmer United
ហុក សុចិត្រា នាំក្រុម POSENCHEY FC លើកពាន KMH Cup រង្វាន់៥ពាន់ដុល្លារ
FFC សម្រេចដាក់បាល់ទាត់ក្នុងសាលក្នុងសាលាតម្រង់ទិសកីឡា ២៥ ខេត្ត-ក្រុង