ផលិតករប្រឈមអ្វីខ្លះពេលរឿង១មានតួសំខាន់ជិត២០នាក់ និងសុទ្ធតែយុវវ័យ?

2017-07-28 10:04:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ការផលិតវីដេអូភាគទូរទស្សន៍និងភាពយន្តគឺជារឿងមួយដែលស្មុគស្មាញសម្រាប់ក្រុមផលិតនិងតួសម្ដែងផ្ទាល់ ប៉ុន្តែជាក់ស្ដែងភាពយន្តអាចនឹងងាយស្រួលប្រសិនបើតួសម្ដែងសំខាន់ៗនៅក្នុងរឿងមានតិច ប្រសិនបើរឿងនោះមានតួសំខាន់ច្រើន តើផលិតករនឹងត្រូវប្រឈមអ្វីខ្លះ?

លោក Rooster Kool ផលិតកររឿង "We Are One ឬ ក្រោមមេឃតែមួយ" បានលើកឡើងលោកមានបទពិសោធន៍ធ្វើការក្នុងរឿងដែលមានតួអង្គសំខាន់ជិត២០នាក់ ដែលខុសប្លែកពីរឿងរបស់កម្ពុជាភាគច្រើន។ អ្វីដែលជាភាពខុសប្លែកនេះហើយគឺធ្វើឲ្យលោកពិបាកក្នុងការផលិតដូចគ្នា។

លោក Rooster Kool ផលិតកររឿង

លោកមានប្រសាសន៍បន្ថែមថា៖ "អ្វីដែលពិបាកបំផុតនោះគឺ Schedule របស់តួនីមួយៗ ដោយសារពួកគេសុទ្ធសឹងតែជាសិស្ស ដូច្នេះហើយបើមួយរវល់គឺអត់អាចថតបានទេ ម៉្យាងទៀតគឺពិបាក Control ពេលថតដោយសារតួច្រើន មិនដូចរឿងផ្សេងដែលមាន Main Cast ត្រឹម ៥ឬ៦នាក់នោះទេ"។

វីដេអូភាគ "We Are One ឬ ក្រោមមេឃតែមួយ" ជារឿងភាគបែបយុវវ័យដែលមាន២៤ភាគ ក្នុងភាគនីមួយៗគឺនិយាយពីប្រធានបទផ្សេងៗគ្នា ដែលឆ្លុះបញ្ចាំងពីជីវិតប្រចាំថ្ងៃរបស់យុវវ័យផ្ទាល់តែម្ដង៕