Vertu ដាក់ដេញថ្លៃទូរសព្ទដែលនៅសល់ តម្លៃចាប់ពី ២៦ ០០០ ដុល្លារ

2017-08-14 01:27:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ដូចដែលដឹងហើយថាក្រុមហ៊ុនផលិតទូរសព្ទសម្រាប់មហាសេដ្ឋី Vertu បានប្រកាសបិទទ្វារដោយសារមិនមានលទ្ធភាពសងបំណុល ១៦៦ លានដុល្លារ ហើយពេលនេះក្រុមហ៊ុនបានយកទូរសព្ទដែលនៅសល់មកដាក់ដេញថ្លៃក្នុងតម្លៃចាប់ផ្ដើមពី ២៦ ០០០ ដុល្លារឡើងទៅ។

ទូរសព្ទដែល Vertu ផលិតឡើងមានការរចនាពិសេសបំផុតដែលផលិតឡើងដោយដៃមនុស្សពិត ព្រមទាំងមានប្រើវត្ថុធាតុថ្លៃៗទៀតផង ដោយតម្លៃមានចាប់ពីខ្ទង់ ៤ ២០០ ដុល្លារ ទៅ ៣០ ០០០ ដុល្លារ។ ចំពោះទូរសព្ទដែលដាក់ដេញថ្លៃវិញមានចំនួន ១០៥ គ្រឿងយកពីសារមន្ទីរ Vertu ដែលជាម៉ូដែលឆ្នាំ ២០០២ ទៅ ២០១៥។

តាមការលើកឡើងរបស់ G J Wisdom & Co, ដែលជាអ្នកទទួលខុសត្រូវលើការដេញថ្លៃឲ្យដឹងថាស្មាតហ្វូនដាក់ដេញថ្លៃនេះមានលាយជាមួយប្រភេទទូរសព្ទ Concept ដែរ។ ត្បិតថាមានលាយជាមួួប្រភេទទូរសព្ទដែលដំណើរការមិនប្រក្រតីមែន ប៉ុន្តែតម្លៃដែលដេញថ្លៃមានចាប់ពី ២៦ ០០០ ដុល្លារឯណោះ។

ការដេញថ្លៃបានចាប់ផ្ដើមពីពេលនេះតទៅដោយធ្វើឡើងនៅលើវិបសាយ Bid Spotter៕

ចុចអាន៖

ប្រភព៖ Androidauthority ប្រែសម្រួល៖ សុខហេង