ទីបំផុតក្រុមគ្រួសារលោក អ៊ិត សេដ្ឋា ចូលនៅផ្ទះថ្មីព្រឹកនេះ

2017-08-14 04:37:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមគ្រួសារលោក អ៊ិត សេដ្ឋា បានធ្វើពិធីសូត្រមន្តលើករាសី និងចូលនៅផ្ទះថ្មី ដែលមូលនិធិ CTN ទិញឲ្យនៅព្រឹកនេះហើយ នេះបើតាមការឲ្យដឹងពី លោក តាវ៉ិចទ័រ ប្រាប់ Sabay។

ផ្ទះថ្មីនោះមានតម្លៃរហូតដល់ទៅ ៩០ ០០០ ដុល្លារ ដែលជាប្រាក់បានមកពីមូលនិធិ CTN ដើម្បីក្រុមគ្រួសារលោក អ៊ិត សេដ្ឋា ទាំងអស់។ "ផ្ទះហ្នឹង៩២ ០០០ គេចុះឲ្យ ២០០០ លុយហ្នឹងគឺជាប្រាក់បានមកមូលនិធិ CTN ដើម្បីក្រុមគ្រួសារលោក អ៊ិត សេដ្ឋា ទាំងអស់ប្អូន" តាវ៉ិចទ័រ បញ្ជាក់ប្រាប់ Sabay មុននេះ។

តាវ៉ិចទ័រ បានបន្តឲ្យដឹងថា ផ្ទះ១ល្វែងនោះស្ថិតនៅក្នុងបុរីសម្បត្តិមាស ខាងក្រោយវត្តទួល សង្កាត់ឬស្សីកែវ ខណ្ឌ ឬស្សីកែវ។ ក្រុមគ្រួសារលោក អ៊ិត សេដ្ឋា សប្បាយចិត្ត មិននឹកស្មានដល់ឡើយ ហើយលោកតំណាងឲ្យក្រុមគ្រួសារ សូមថ្លែងអំណរគុណជាខ្លាំងដល់សប្បុរសជនទាំងអស់ដែលបានជួយ។

ក្រៅពីផ្ទះ១ល្វែងខាងលើ កូនទាំង៣របស់លោក អ៊ិត សេដ្ឋា ត្រូវបានគ្រឹះស្ថានអប់រំធំៗ២ គឺសាលាវេស្ទើន និង ប៊ែលធីអន្តរជាតិ បានធានាផ្ដល់អាហារូបករណ៍ឲ្យរៀនដល់ថ្នាក់បញ្ចប់ផងដែរ៕

អត្ថបទៈ ស៊ុនហួត