ក្ដីប្រាថ្នា Bolt ចង់លេងជាមួយ Man Utd បានរលាយក្លាយជាទឹក

2017-08-18 03:56:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយចូលនិវត្តន៍ស្ដេចល្បឿន Usain Bolt មានឱកាសបានចូលរួមជាមួយអតីតកីឡាកររបស់ Manchester United ដើម្បីប្រកួតសប្បុរសធម៌ ប៉ុន្តែអ្វីៗពេលនេះរលាយអស់ហើយ។

Bolt បានបង្ហោះភស្តុតាងរបស់មន្ទីរពេទ្យលើបណ្ដាញសង្គម បង្ហាញទៅមនុស្សមួយចំនួនដែលចោទសួរពីរបួសរបស់គេ កាលប្រកួតរត់ចម្ងាយ ៤ x ១០០ម៉ែត្រនៅទីក្រុងឡុងដុងកាលពីថ្ងៃសៅរ៍សប្ដាហ៍មុន។ ក្នុងព្រឹត្តិការណ៍ 2017 IAAF World Championships នៅទីក្រុងឡុងដុង គឺជាការប្រកួតចុងក្រោយរបស់កីឡាករវ័យ៣០ឆ្នាំមុនរូបគេចូលនិវត្ត ប៉ុន្តែគេបានរបូតមេដាយមាសដោយសារមានរបួសជើង។

កាលពីម្សិលមិញកីឡាករចាម៉ៃកាបានបង្ហោះរូបក្នុងបណ្ដាញ Twitter បង្ហាញពីរបួសយ៉ាងធ្ងន់ធ្ងរនៃសរសៃពួរជើង និងសរសេរភ្ជាប់ថា គេពិតជាក្រៀមក្រំខ្លាំងដោយសាររបួសសរសៃពួរជើងជើង ហើយត្រូវសម្រាក៣ខែ។

ការសម្រាក៣ខែ មានន័យថា Bolt នឹងមិនអាចចូលរួមជាមួយ Man Utd លេងទល់នឹង Barcelona ក្នុងការប្រកួតសប្បុរសធម៌ដែលនឹងរៀបចំឡើងនៅថ្ងៃទី ២ ខែ កញ្ញាខាងមុខ។ កីឡាករវ័យចំណាស់របស់បិសានឹងលេងនៅខែក្រោយមាន Andy Cole, Edwin van der Sar, Paul Scholes, Jesper Blomqvist, Denis Irwin, Ronny Johnsen, Dwight Yorke, Wes Brown និង Phil Neville៕