ស្ងាត់ៗ ភឹម តារាវិបុល លួចបង្កាត់ភ្លើងស្នេហ៍ក្រៅឆាកជាមួយ ដាវ ដាវីកា

2017-08-21 02:21:21
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីកំលោះសង្ហារ ភឹម តារាវិបុល បានសម្ដែងរួមគ្នាជាមួយ ដាវ ដាវីកា ក្នុងខ្សែភាពយន្តភាគរឿង "ម្ចាស់បំណុល" រួចមកស្រាប់តែពេលនេះបែកធ្លាយព័ត៌មានថាអ្នកទាំងពីរកំពុងតែលួចបង្កាត់ភ្លើងស្នេហ៍ក្រៅឆាកជាមួយគ្នាទៀតផង។ នេះបើតាមអ្នកដឹកនាំរឿងសុំមិនបញ្ចេញឈ្មោះ បានប្រាប់ Sabay ។

អ្នកដឹកនាំរឿងខាងលើឲ្យដឹងថា ដំបូងឡើយ ភឹម តារាវិបុល និង ដាវ ដាវិកា គ្មានចិត្តឲ្យគ្នានោះទេ តែក្រោយពីអ្នកទាំងពីរប៉ះឈុតឆាក ស្និទ្ធស្នាល និងផ្អែមល្ហែមជាច្រើនក្នុងរឿង " ម្ចាស់បំណុល" ទើបធ្វើឲ្យកំលោះក្រមុំមួយគូនេះបាក់ចិត្តស្រឡាញ់គ្នាដោយមិនដឹងខ្លួន ថែមទាំងបារម្ភពីសុខទុក្ខគ្នាទៅវិញទៅមក ដល់ថ្នាក់ធ្វើឲ្យក្រុមការងារថត លួចច្រណែនពួកគេទៀតផងដែរ។

“មើលទៅ បុល និង ដាវិកា ពួកគាត់ស្រឡាញ់គ្នាខ្លាំងណាស់ សូម្បីតែ បុល គាត់ទៅលេងបាល់ទាត់ ក៏ ដាវិកា ទៅតាមលើកទឹកចិត្តដល់កន្លែងលេងបាល់ដែរ ថែមទាំងបញ្ចុកនំទឹកឲ្យគ្នាទៅវិញទៅមក គួរឲ្យច្រណែនណាស់"។ អ្នកដឹកនាំរឿងបញ្ជាក់។

ទាក់ទងរឿងរ៉ាវស្នេហាក្រៅឆាកខាងលើនេះដែរ ភឹម តារាវិបុល សុំមិនបកស្រាយ អ្វីគ្រប់យ៉ាងទុកឲ្យពេលវេលាជាអ្នកបកស្រាយ។ ចំណែកឯភាគីខាងស្រី ដាវ ដាវិកា មិនអាចសុំការបញ្ជាក់បានដោយទូរស័ព្ទខលចូលតែអត់មានអ្នកទទួល៕

ចុចអាន៖ជុំវិញ ភឹមតារាវិបុល

ចុចអាន៖ត្រឹម១ប៉ប្រិចភ្នែកសោះតារា ៧រូប ចូលនិងត្រៀមចូលហង្សមាសយ៉ាងកក្រើក

អត្ថបទ៖ ឆុង ស៊ីណាន