គូស្នេហ៍ ម៉ារ៉ា ប៊ុណ្ណា ក្ដៅក្រហាយ ជុំវិញព័ត៌មានស្នេហានិងអតីតប្រពន្ធ ជៀស ស្រួច

2017-08-23 08:11:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ុន្មានថ្ងៃនេះសារព័ត៌មានមួយចំនួនបានចុះផ្សាយជុំវិញរឿងរ៉ាវ ម៉ារ៉ា ប៊ុណ្ណា និង សាត រស្មី ទំនាក់ទំនងអ្នកទាំងពីរលើសពីមិត្តភាព អាចឈានចូលដល់ស្នេហាស៊ីជម្រៅ។ ព័ត៌មាននេះបានធ្វើឲ្យគូស្នេហ៍តារាចម្រៀងខាងលើមិនសប្បាយចិត្តទៀតផង នេះបើតាមលោក ម៉ារ៉ា ប៊ុណ្ណា ប្រាប់មកកាន់ Sabay ។

ម៉ារ៉ា ប៊ុណ្ណា និង សាត រស្មី

បន្ទាប់ពីឃើញគូស្នេហ៍មិនសប្បាយចិត្តដូច្នេះ ម៉ារ៉ា ប៊ុនណ្ណា ក៏បានចេញមុខបកស្រាយភ្លាមៗនៅលើទំព័រហ្វេសប៊ុករបស់ខ្លួនថា ទំនាក់ទំនងជាមួយ សាត រស្មី កន្លងមកក្នុងនាមជាបងប្អូនសិល្បៈតែប៉ុណ្ណោះគ្មានអ្វីលើសពីហ្នឹងនោះទេ ដូច្នេះសូមបងប្អូនទស្សនិកជនកុំយល់ច្រឡំ។

ម៉ារ៉ា ប៊ុណ្ណា បន្តថាមិនហ៊ានយកខ្លួនទៅប្រៀបផ្ទឹមនិង សាត រស្មី នោះទេព្រោះនាងមានរូបរាងស្អាតសម្បុរសដូចទេពអប្សរមកពីសួគ៌ា ចំណែកឯរូបលោកវិញមានសម្បុរខ្មៅស្រអែមបើឈរទន្ទឹមគ្នាវិញប្រៀបបីដូចក្អែកពាំពងមាន់។

“ដល់ពេលចេញព័ត៌មានអញ្ចឹងមក ធ្វើឲ្យសំណព្វចិត្តខ្ញុំក្ដៅក្រហាយខឹងខ្ញុំ ហើយមិនសប្បាយចិត្តចំណែកឯខាងក្រុមគ្រួសារ សាត រស្មី ក៏គាត់មិនសប្បាយចិត្តដែរអូនពេលឃើញព័ត៌មានចុះផ្សាយបែបហ្នឹង ព្រោះយើងទាំងពីរគ្មានស្នេហាស៊ីជម្រៅអីផង"។ ម៉ារ៉ា ប៊ុណ្ណា ថ្លែងបញ្ជាក់៕

អត្ថបទៈ ឆុង ស៊ីណាន