យ៉ាងគួរ និង សៀវ ឡុងនី ឆ្នាំ៩៥ ជិតត្រលប់មកវិញហើយ

2017-08-28 07:52:42
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងភាគ TVB បែបបូរាណ ដែលល្បីថាល្អមើល និងមានការគាំទ្រផ្ដាច់គេក្នុងឆ្នាំ១៩៩៥ "ដាវទេពសេនាឥន្ទ្រីយ៍ក្លាហាន" នឹងបង្ហាញខ្លួនជាថ្មីនៅលើកញ្ចក់ទូរទស្សន៍ភីអិនអិន (PNN) បន្ទាប់ពីរឿង "បងប្អូនទាំងដប់" ដែលកំពុងជិតចូលដល់ទីបញ្ចប់។

រឿង "ដាវទេពសេនាឥន្ទ្រីយ៍ក្លាហាន" ជារឿងដែលបានដកស្រង់ចេញពីប្រលោមលោកដ៏ល្បីរបស់លោក Louis Cha និងបានចាក់បញ្ចាំងលើកដំបូងលើទូរទស្សន៍ TVB Jade នៅហុងកុង។

ទោះបីជាថតតាំងពីយូរមកហើយមែន តែរឿងដែលល្បីនៅឆ្នាំ ១៩៩៥ នេះ នៅតែជារឿងភាគល្អ ដែលធ្វើឲ្យទស្សនិកជនចង់ទស្សនា ព្រោះវាប្រមូលផ្ដុំទៅដោយគ្រប់រសជាតិជីវិត ទាំងស្នេហា គុនដាវ យុទ្ធសិល្ប និងគំនុំសងសឹក។

ក្រៅពីនេះគ្រប់តួ ដែលចូលរួមសម្ដែងសុទ្ធតែជាតារាហុងកុងល្បីៗ ក្នុងអំឡុងឆ្នាំ ១៩៩៥ ដូចជា លោក Louis Koo (យ៉ាងគួ) និងបានចាប់ដៃគូសម្ដែងជាមួយនាង Carman Lee រួមនឹងតារាសម្ដែងល្បីៗជាច្រើនរូបទៀត។

"ដាវទេពសេនាឥន្ទ្រីយ៍ក្លាហាន" នឹងចាក់បញ្ចាំងជូនទស្សនាចាប់ពីថ្ងៃទី១ កញ្ញាតទៅ ចាប់ពីម៉ោង ១១-១២ ថ្ងៃត្រង់ រៀងរាល់ថ្ងៃចន្ទ-សុក្រ លើទូរទស្សន៍ PNN បន្ទាប់ពីរឿង "បងប្អូនទាំងដប់"៕

ដោយ៖ វិទូ