មានលុយល្មមៗ ស្មាតហ្វូនកម្លាំងកប់ ៤ ម៉ូដែលនេះអាចគិតគូរបាន

2017-08-29 06:20:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្មាតហ្វូនកំពូលៗដែលចេញលក់លើទីផ្សារនាពេលបច្ចុប្បន្នសុទ្ធតែមានតម្លៃថ្លៃកប់ពពក។ ជាក់ស្ដែងដូចជា Galaxy Note 8 តម្លៃនៅទីផ្សារបរទេសមានដល់ខ្ទង់ ៩៥០ ដុល្លារឯណោះ។ តែទោះយ៉ាងណាមិនប្រាកដថាទាល់តែស្មាតហ្វូនតម្លៃថ្លៃទើបមានគុណភាពល្អនោះទេ ត្រឹមស្មាតហ្វូនដែលមានតម្លៃធូរថ្លៃក៏អាចប្រើប្រាស់បានដែរ។

ស្មាតហ្វូនតម្លៃធូរថ្លៃធន់ដែលអ្នកអាចពិចារណាបានមាន ៤ ម៉ូដែលដូចខាងក្រោម៖

១. OnePlus 3T តម្លៃ ៤៣០ ដុល្លារ

ដ្បិតថាស្មាតហ្វូន OnePlus ចេញដល់ស៊េរី OnePlus 5 ដែលមានកាមេរ៉ាភ្លោះពិតមែន ប៉ុន្តែមិនបានធ្វើឲ្យ OnePlus 3T ហួសសម័យឡើយ។ នេះក៏ដោយសារ OnePlus 3T មានសមត្ថភាពខ្លាំងហើយថែមមានតម្លៃធូរថ្លៃទៀតផង បើប្រៀបនឹង OnePlus 5។

លក្ខណៈសម្បត្តិ OnePlus 3T ៖

- អេក្រង់ ៖ ៥,៥ អ៊ីញ កម្រិត Full HD (1920x1080) ដង់ស៊ីតេរូបភាព ៤០១ PPI

- ទម្ងន់ ៖ ១៥៨ ក្រាម

- ម៉ាស៊ីន ៖ បន្ទះឈីប Snapdragon 821, RAM ទំហំ ៦ GB, អង្គផ្ទុកទិន្នន័យ ៦៤ GB

- កាមេរ៉ា ៖ ខាងក្រោយ ១៦ MP Aperture f/2.0 បច្ចេកវិទ្យា OIS អាចថតវីដេអូ 4K, កាមេរ៉ាមុខ ១៦ MP Aperture f/2.0 អាចថតវីដេអូកម្រិត Full HD 1080p

- ថ្ម ៖ ទំហំ ៣៤០០ mAh អាចសាកថ្មបានលឿន

- ប្រព័ន្ធប្រតិបត្តិការ ៖ អាចដំឡើងទៅ Android Nougat 7.1.1

- ទ្រនាប់ស្កេនខ្ចៅដៃ ៖ មាន

-បច្ចេកវិទ្យាធន់នឹងទឹក ៖ មិនមាន

២. Xperia XA1 Ultra តម្លៃ ៣៩៩ ដុល្លារ

ចង់បានស្មាតហ្វូនអេក្រង់ធំ និង មានសមត្ថភាពខ្លាំង XA1 Ultra នេះត្រូវម៉ាច់ហ្មង។ មិនតែប៉ុណ្ណោះជាស្មាតហ្វូនស៊េរីថ្មីឆ្នាំ ២០១៧ ដែលទើបចេញលក់កាលពីខែឧសភាកន្លងទៅ។

លក្ខណៈសម្បត្តិ XA1 Ultra ៖

- អេក្រង់ ៖ ៦ អ៊ីញ កម្រិត Full HD (1920x1080) ដង់ស៊ីតេរូបភាព ៣៦៧ PPI

- ទម្ងន់ ៖ ១៨៨ ក្រាម

- ម៉ាស៊ីន ៖ បន្ទះឈីប Mediatek Helio P20, RAM ទំហំ ៤ GB, អង្គផ្ទុកទិន្នន័យ ៣២ GB មានរន្ធសម្រាប់ដោតមេមូរីកាត

- កាមេរ៉ា ៖ ខាងក្រោយ ២៣ MP Aperture f/2.0 អាចថតវីដេអូកម្រិត Full HD 1080p, កាមេរ៉ាមុខ ១៦ MP Aperture f/2.0 មានបច្ចេកវិទ្យា OIS អាចថតវីដេអូកម្រិត Full HD 1080p និង មានភ្លើងជំនួយការថត Selfie ទៀតផង

- ថ្ម ៖ ទំហំ ២៧០០ mAh អាចសាកថ្មបានលឿន

- ប្រព័ន្ធប្រតិបត្តិការ ៖ Android Nougat 7.0

- ទ្រនាប់ស្កេនខ្ចៅដៃ ៖ មិនមាន

-បច្ចេកវិទ្យាធន់នឹងទឹក ៖ មិនមាន

៣. Samsung Galaxy A7 ឆ្នាំ ២០១៧ តម្លៃ ៤៥០ ដុល្លារ

ជាស្មាតហ្វូនលំដាប់មធ្យមដែលមានសមត្ថភាពលើសគេរបស់ Samsung ដោយមានចំណុចខ្លាំងមិនចាញ់ស្មាតហ្វូនលំដាប់កំពូលត្រកូល Galaxy S ប៉ុន្មានឡើយ ជាពិសេសនោះគឺអាចធន់នឹងទឹកបានក្នុងកម្រិត IP68។

លក្ខណៈសម្បត្តិ Galaxy A7 ឆ្នាំ ២០១៧ ៖

- អេក្រង់ ៖ ៥,៧ អ៊ីញ កម្រិត Full HD (1920x1080) ដង់ស៊ីតេរូបភាព ៣៨៦ PPI

- ទម្ងន់ ៖ ១៨៦ ក្រាម

- ម៉ាស៊ីន ៖ បន្ទះឈីប Exynos 7880, RAM ទំហំ ៣ GB, អង្គផ្ទុកទិន្នន័យ ៣២ GB មានរន្ធសម្រាប់ដោតមេមូរីកាត

- កាមេរ៉ា ៖ ខាងក្រោយ ១៦ MP Aperture f/1.9 អាចថតវីដេអូកម្រិត Full HD 1080p, កាមេរ៉ាមុខ ១៦ MP Aperture f/1.9 អាចថតវីដេអូកម្រិត Full HD 1080p

- ថ្ម ៖ ទំហំ ៣៦០០ mAh អាចសាកថ្មបានលឿន

- ប្រព័ន្ធប្រតិបត្តិការ ៖ អាចដំឡើងទៅ Android Nougat 7.0

- ទ្រនាប់ស្កេនខ្ចៅដៃ ៖ មាន

-បច្ចេកវិទ្យាធន់នឹងទឹក ៖ មានកម្រិត IP68

៤. iPhone SE តម្លៃ ៣៥០ ដុល្លារ

iPhone SE ត្រូវបានគេចាត់ទុកថាជាស្មាតហ្វូនទំហំតូចដែលមានសមត្ថភាពខ្លាំងមួយ ព្រោះថាគ្រឿងម៉ាស៊ីនខាងក្នុងរបស់វាស្ទើរតែដូចគ្នាទៅនឹង iPhone 6s ទាំងស្រុងទៅហើយ។