បច្ចេកទេសថតរូបបែប Motion Blur ដែលគ្រប់គ្នាកំពុងចង់ចេះ

2017-09-05 02:24:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ការថតយកចលនាក្នុងរូបភាពជាអ្វីមួយដែលអ្នកថតរូបមួយចំនួនគ្រាន់តែបានគិត ពេលពួកគេថតរូបលក្ខណៈ Sports ឬ Subject ដែលមានបម្លាស់ទីលឿនផ្សេងទៀត។ ស្ទើរតែគ្រប់ប្រភេទរូបភាពទាំងអស់អាចទទួលប្រយោជន៍ពីការបង្ហាញនូវចលនាក្នុងរូបភាព សូម្បីតែចលនាតូចក៏ដោយ។ អ្នកអាចពិនិត្យមើលលក្ខណៈផ្សេងៗក្នុងការថតរូបភាព Motion blur ដូចខាងក្រោម៖

១. បន្ថយ Shutter Speed

ការធ្វើចលនាលក្ខណៈ Blur (ព្រាល) សំដៅលើចំនួនពេលវេលាដែល Shutter របស់កាមេរ៉ាបើករយៈពេលគ្រប់គ្រាន់សម្រាប់ Image sensor ឃើញនូវចលនារបស់ Subject។ ដូច្នេះគន្លឹះទី១ ក្នុងការចាប់យកចលនាក្នុងរូបភាពគឺជ្រើសរើស Shutter Speed រយៈពេលវែង ។ ប្រសិនបើ Shutter speed លឿន (ឧទាហរណ៍ 1/4000th sec) អ្នកនឹងមិនឃើញមានចលនាច្រើននោះទេ (លុះត្រាតែ Subject ធ្វើចលនាលឿន)។

រូបតំណាង

បើអ្នកជ្រើសរើស Shutter speed រយៈពេលវែង (ឧទាហរណ៍ ៥ វិនាទី) អ្នកមិនត្រូវការឲ្យ Subject ធ្វើចលនាលឿននោះទេ មុនពេលអ្នកឃើញ Blur។ ការបម្លាស់ទីរបស់ ខ្យង និងឡានប្រណាំងនឹងមានលទ្ធផលខុសគ្នាពេលប្រើប្រាស់ Shutter speed ដូចគ្នា។ កត្តាផ្សេងទៀតក្នុងការកំណត់ Shutter speed គឺចំនួនពន្លឺដែលមានក្នុងទិដ្ឋភាព។ Shutter speed រយៈពេលយូរអាចឲ្យពន្លឺកាន់តែច្រើនចូលក្នុងកាមេរ៉ា ហើយអាចនឹងធ្វើឲ្យការថតមានពន្លឺភ្លឺខ្លាំង។ ដូច្នេះតើ Shutter speed រយៈពេលប៉ុន្មានសម្រាប់ធ្វើឲ្យចលនា Blur ក្នុងការថត? ជារួមវាអាស្រ័យលើល្បឿននៃ Subject, ចំនួន Blur ដែលអ្នកចង់ចាប់យក និងលក្ខណៈដែលអ្នកផ្ដល់ពន្លឺដល់ Subject ល្អប៉ុណ្ណា។ អ្វីដែលសំខាន់ អ្នកគួរតែសាកល្បងថតប៉ុន្មានដង នឹងផ្ទៀងផ្ទាត់លទ្ធផលសម្រាប់ការកែប្រែ Setting។

២. ផ្ដល់លំនឹងដល់កាមេរ៉ា

មានពីរវិធីសម្រាប់ចលនាក្នុងរូបភាពដោយមាន Subject ធ្វើចលនា ឬឲ្យកាមេរ៉ាមានចលនា (ឬទាំងពីរតែម្ដង)។ ការថតរូបប្រភេទនេះធ្វើយ៉ាងណាឲ្យកាមេរ៉ារក្សាលំនឹងបានល្អ ឬបន្ថែម Blur ពី Subject ដែលអ្នកនឹងស្វែងរក ដោយ Frame ទាំងស្រុងមើលទៅមានចលនា ដែលជាលទ្ធផលក្នុងការប្រើប្រាស់ Shutter speed រយៈពេលយូរ។ មិនថាអ្នកប្រើ Tripod ឬដាក់កាមេរ៉ាលើអ្វីនោះទេ អ្នកត្រូវការឲ្យកាមេរ៉ាមានលំនឹង។

រូបតំណាង

៣. ប្រើប្រាស់ Shutter Priority Mode

Settings ដែលសំខាន់បំផុតដែលបង្ហាញនូវចលនាគឺ Shutter speed។ សូម្បីតែការផ្លាស់ប្ដូរតិចតួចក្នុង Shutter speed នឹងមានឥទ្ធិពលធំលើការថតរូបរបស់អ្នក ដូច្នេះអ្នកគួរតែថតរូបក្នុង Mode ដែលអ្នកអាចគ្រប់គ្រងពេញលេញលើវា ដោយអ្នកអាចប្ដូរ Mode ក្នុងកាមេរ៉ាទៅជា Manual mode ឬ Shutter Priority mode។ Shutter Priority mode ជា mode ដែលអាចឲ្យអ្នកកំណត់នូវ Shutter speed ហើយក៏ជាកន្លែងដែលកាមេរ៉ាជ្រើសរើស Settings (ដូចជា Aperture) ដើម្បីឲ្យការថតបង្ហាញ (Expose) មកបានល្អ។ ជម្រើសមួយទៀតគឺប្រើប្រាស់ Manual mode ក្នុងករណីដែលអ្នកមានទំនុកចិត្តក្នុងការកំណត់ Aperture ឬ Shutter speed ឲ្យមានតុល្យភាពត្រឹមត្រូវ។

របៀបប្រើប្រាស់ Shutter Speed រយៈពេលយូរ ពេលមានពន្លឺខ្លាំង

ផលប៉ះពាល់ក្នុងការប្រើប្រាស់ Exposure រយៈពេលយូរ (Shutter speed យឺត) គឺពន្លឺបន្ថែមនឹងចូលក្នុងកាមេរ៉ា លុះត្រាតែអ្នកទូទាត់សងនូវវិធីមួយចំនួន មិនដូច្នេះទេវានឹងធ្វើឲ្យរូបភាពភ្លឺខ្លាំង។ វិធីដែលសាមញ្ញគឺរង់ចាំពន្លឺប្រែប្រួលទៅជាងងឹត ដែលជាហេតុផលមួយចំពោះការថតភាគច្រើនទាក់ទងនឹង Blur ត្រូវបានថតពេលយប់ ឬព្រឹកព្រលឹម ឬព្រលប់។ អ្នកអាចពិនិត្យមើលវិធីសាស្ត្រសំខាន់ទាំងបីសម្រាប់ការទូទាត់សងនេះ (ទូទាត់ចំនួនពន្លឺ) ខាងក្រោម៖

១. Aperture តូច

ដូច្នេះតើអ្នកបន្ថយនូវចំនួនពន្លឺដែលចូលទៅកាន់កាមេរ៉ាដើម្បីជួយទូទាត់សងសម្រាប់ Shutter speed រយៈពេលយូរដោយរបៀបណា? ចុះរបៀបផ្លាស់ប្ដូរទំហំរន្ធដែលពន្លឺឆ្លងកាត់ចូល។ ការកែប្រែទាំងនេះហៅថា Aperture។ ប្រសិនបើអ្នកថតរូបជាមួយនឹង Shutter priority mode កាមេរ៉ានឹងជួយអ្នកសម្រេចការងារនេះដោយស្វ័យប្រវត្តិ ប៉ុន្តែប្រសិនបើអ្នកថតរូបជាមួយនឹង Manual mode អ្នកត្រូវការបន្ថយ Aperture ក្នុងចំនួនមួយដែលសមាមាត្រទៅនឹងចំនួនរយៈពេល Shutter speed។

សំណាងដែរ វាមិនពិបាកដូចដែលអ្នកគិតនោះទេ ដោយសារ Shutter speed និង Aperture settings ត្រូវបានរៀបចំដោយចំនួន Stops។ ពេលអ្នកបន្ថយ Shutter speed ១ Stops អ្នកត្រូវគុណពីរដងសម្រាប់រយៈពេល Shutter បើក (ឧទាហរណ៍ ពី ១/២៥០ ដល់ ១/១២៥)។ សម្រាប់ Aperture settings ក៏ដូចគ្នាដែរ ពេលអ្នកបន្ថយ Aperture ១ Stops អ្នកគួរបន្ថយទំហំការបើក Shutter ដោយ ៥០%។

២. បន្ថយនូវ ISO

វិធីផ្សេងទៀតសម្រាប់ទូទាត់សង Shutter speed ដែលអាចឲ្យមានពន្លឺបន្ថែមក្នុងកាមេរ៉ាគឺកែប្រែ ISO settings របស់កាមេរ៉ា។ ISO មានឥទ្ធិពលលើ Image sensor របស់កាមេរ៉ា។ ចំនួនខ្ពស់ជាងនឹងធ្វើឲ្យមានពន្លឺបន្ថែម ហើយចំនួនទាបជាងនឹងធ្វើឲ្យពន្លឺថយ។ អ្នកគួរជ្រើសរើសចំនួនទាបជាង ហើយអ្នកអាចជ្រើសរើស Shutter speeds រយៈពេលយូរបាន។

៣. ប្រើប្រាស់ Neutral Density Filter

Filter ទាំងនេះកាត់បន្ថយនូវចំនួនពន្លឺឆ្លងកាត់តាមរយៈ Lens ចូលក្នុងកាមេរ៉ាដែលអាចឲ្យអ្នកប្រើប្រាស់ Shutter speed យឺតបាន។ វាដូចដែលអ្នកពាក់វ៉ែនតាការពារពន្លឺលើកាមេរ៉ាដូច្នោះដែរ។

ឧទាហរណ៍ ប្រសិនបើអ្នកថតរូបភាព Landscape ក្នុងស្ថានភាពភ្លឺ ប៉ុន្តែចង់ប្រើ Shutter speed ១វិនាទី ឬច្រើនជាងនេះ អ្នកអាចធ្វើឲ្យរូបភាពភ្លឺជ្រុល។ ND filter អាចជួយបានក្នុងការប្រើ Shutter speed យឺត ដើម្បីទទួលបានរូបភាពដែលមានតុល្យភាពល្អ។ ប្រភេទ Filter ដទៃទៀតដែលអាចមានឥទ្ធិពលស្រដៀងគ្នាគឺ Polarizing filter។ សម្រាប់ Polarizer មិនត្រឹមតែកាត់បន្ថយនូវពន្លឺមួយចំនួនប៉ុណ្ណោះទេ ថែមទាំងអាចមានឥទ្ធិពលលើរូបភាព (ប្ដូរពណ៌មួយចំនួន) ផងដែរ។

បច្ចេកទេសពីរបន្ថែម

បច្ចេកទេសផ្សេងទៀត អ្នកអាចសាកល្បងបាន ប្រសិនបើអ្នកចង់ថតរូបភាពលក្ខណៈ Motion blur ជាមួយនឹង Slow sync flash ដោយប្រើប្រាស់ Shutter speed រយៈពេលយូរ និង Flash ដូច្នេះធាតុជាច្រើនត្រូវបានបង្កក កំឡុងធាតុផ្សេងទៀតព្រាល។ បច្ចេកទេសមួយទៀត អ្នកអាចរំកិលកាមេរ៉ាតាមចលនារបស់ Subject ដូច្នេះអ្នកនឹងទទួលបានការ Focus បានល្អប៉ុន្តែផ្ទៃខាងក្រោយព្រាល៕