ទ័ព ប៉ះណាហ្គាវើលស្អែក អាចមានគ្រាប់ដោយបាល់រៀបចំ Set piece

2017-09-08 03:26:20
ចំនួនមតិ 0 | ចំនួនចែករំលែក 0

ចន្លោះមិនឃើញ

លីគកំពូលកម្ពុជាត្រលប់មកបម្រើអ្នកគាំទ្រកម្ពុជាវិញហើយ សម្រាប់សប្ដាហ៍នេះ ដោយមានក្រុមខ្លាំងៗជាច្រើនប៉ះគ្នាដូចជា ក្រសួងការពារជាតិ ត្រូវតតាំងជាមួយណហ្គាវើលជាដើម។

ក្រសួងការពារជាតិ

ណាហ្គាវើល

គូខាងលើនេះអាចចាត់ទុកថាជាគូល្អមើលជាងគេក្នុងការប្រកួតលីគកំពូលកម្ពុជាសប្ដាហ៍ទី១៥នេះ ត្បិតអីក្រុមទាំងពីរកំពុងតែប្រជែងពិន្ទុគ្នាខ្លាំងមែនទែនក្នុងតំបន់ Top4។ ដោយការសម្រាកលីគជាង១ខែមកនេះ ក្រុមទាំងពីរសុទ្ធតែបានហ្វឹកហាត់ល្អដូចគ្នា ហើយកីឡាករក៏ពេញកម្លាំងល្អផងដែរ។

លោក ភា សុភក្ត្រា គ្រូជំនួយរបស់ក្រសួងការពារជាតិ

លោក ភា សុភក្ត្រា គ្រូជំនួយរបស់ក្រសួងការពារជាតិមើលឃើញថាក្រុមរបស់ខ្លួនហ្វឹកហាត់របៀបលេងជាមួយណាហ្គាបានយ៉ាងល្អ ជាពិសេសការលេងនិងល្បិចកាត់ផ្ដាច់ចំណុចខ្លាំងរបស់ក្រុមលោក មាស ចាន់ណា។ ចំណាប់អារម្មណ៍ចំពោះការប្រកួតនេះ អតីតគ្រូបង្វឹកយុវជនថ្នាលជម្រើសជាតិមើលឃើញថាក្រុមទាំងពីរអាចនឹងមានគ្រាប់បាល់ ដោយសារបាល់ពិន័យទាត់ហ្វ្រីឃីក ឬបាល់ជ្រុង (ដែលពាក្យបច្ចេកទេស ហៅថា Set Piece)។ មូលហេតុដោយសារតែទីលានស្ដាតចាស់ មិនសូវជាអំណោយផលដល់ការលេងរក្សាបាល់ និងសហការគ្នាឡើយ។