អ្នកជំនាញបង្ហាញគន្លឹះ ធ្វើម៉ាកយីហោអាជីវកម្មឲ្យលេចធ្លោ

2017-10-04 10:51:08
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃទី ០៤ តុលា នេះ ផ្សារមូលបត្រកម្ពុជាបានរៀបចំសិក្ខាសាលាស្ដីពី «យុទ្ធសាស្ត្រក្នុងការធ្វើប្រេនឌីង» ក្នុងគោលបំណងបណ្ដុះបណ្ដាលវិស័យឯកជន ជាពិសេសក្រុមហ៊ុនតូចៗ និងថ្មីថ្មោង ទទួលបទពិសោធន៍បន្ថែមក្នុងការកសាងម៉ាកយីហោឲ្យលេចធ្លោ និងពង្រីកដើមទុនតាមរយៈការឈរជើងលើទីផ្សារភាគហ៊ុន។ ក្នុងសិក្ខាសាលានេះផងដែរ មានអ្នកតំណាងឲ្យវិស័យឯកជនប្រហែល ១០០ក្រុមហ៊ុន បានចូលរួម និងបានអញ្ជើញអ្នកជំនាញនិងជោគជ័យក្នុងវិស័យឯកជន ធ្វើជាវាគ្មិន ដើម្បីត្រួសត្រាយណែនាំក្នុងការធ្វើម៉ាកយីហោអាជីវកម្មឲ្យបានជោគជ័យ។

(សិក្ខាសាលាស្ដីពី «យុទ្ធសាស្ត្រក្នុងការធ្វើប្រេនឌីង»)

លោកឧកញ៉ា គួច ម៉េងលី អគ្គនាយកក្រុមហ៊ុន Mengly J. Quach Education បានប្រសាសន៍ថាៈ «មុននឹងឈានដល់ការកសាងម៉ាកយីហោ លោកអ្នកធ្វើអាជីវកម្មត្រូវចាប់ផ្ដើមអាជីវកម្មនោះឲ្យចេញជារូបរាងសិន»។ លោកឧកញ៉ា ណែនាំថា មុននឹងចាប់ផ្ដើមអាជីវកម្មដំបូង អ្នកចង់ធ្វើអាជីវកម្មគួរសួរខ្លួនឯងឲ្យច្បាស់លាស់ថា តើមានខ្លួនមានចំណង់ចំណូលចិត្ត ចំណេះជំនាញគ្រប់គ្រាន់ ឬនៅ? ហើយបើគិតថាមាន នោះអ្នកទាំងនោះត្រូវរកធនធាន ដែលធនធានទាំងនោះរួមមាន ថវិកា ធនធានមនុស្ស និងធនធានមានបច្ចេកទេស។

លោកឧកញ៉ាបន្តថា ដំណាក់កាលបន្ទាប់គឺ ការរៀបចំរចនាសម្ព័ន្ធក្រុមហ៊ុន រួមមាន ឡូហ្គូ និងម៉ាកយីហោ (Branding) ដោយថា ម៉ាកយីហោ បង្កើតឡើងឲ្យមនុស្សទូទៅទទួលស្គាល់អត្តសញ្ញាណ និងកេរ្តិ៍ឈ្មោះរបស់ក្រុមហ៊ុន។

(លោកឧកញ៉ា គួច ម៉េងលី អគ្គនាយកក្រុមហ៊ុន Mengly J. Quach Education)

ជុំវិញការកសាងម៉ាកយីហោវិញ លោកឧកញ៉ា គូសបញ្ជាក់ថា ចំណុចស្លាប់រស់នៃម៉ាកយីហោ គឺការរក្សាភាពស្មោះត្រង់ និងការសន្យា។ លោកពន្យល់ថាៈ «ការរស៊ី មិនអាចរកស៊ីបាតដៃខ្នងដៃបានទេ វាប្រៀបដូចជាបំផ្លាញកេរ្តិ៍ឈ្មោះខ្លួនឯង និងទំនុកចិត្តរបស់ដៃគូ និងអតិថិជនជាដើម ហេតុនេះធ្វើអ្វីក៏ដោយ មិនត្រូវបំផ្លាញកេរ្តិ៍ឈ្មោះខ្លួនឯងបានឡើយ »។ លោកបន្តថាការកសាងម៉ាកយីហោ ដូចជាការកសាងកេរ្តិ៍ឈ្មោះ គឺធ្វើយ៉ាងណាត្រូវឲ្យសារធាណជនទទួលស្គាល់ ហើយជួយផ្សព្វផ្សាយឲបន្ត តាមរយៈការបញ្ចេញរូបរាង សកម្មភាព និង ចំណុចពិសេសរបស់ខ្លួន។

បន្ថែមពីលើនេះ លោក ឃុន ចាន់ដារា នាយកគ្រប់គ្រងហាងកាហ្វេ KOI មើលឃើញថា បច្ចុប្បន្នអ្នកបង្កើតផលិតផលថ្មីៗប្លែកៗ មានច្រើនហូរហែរលើទីផ្សារ ប៉ុន្តែការវេចខ្ចប់ ការធ្វើប្រេនឌីង ការធ្វើម៉ាឃីតធីងហាក់នៅមានកម្រិតនៅឡើយ។ លោកថា ការបង្កើតម៉ាកបានល្អ គឺជាចំណុចស្នូលនៃការពង្រីកអាជីវកម្ម មានន័យថា បើផលិតផលមានការវេចខ្ចប់បានត្រឹមត្រូវ និងមានយីហោអាចជឿទុកចិត្ត ផលិតផលនោះនឹងអាចយកទៅលក់ក្រៅប្រទេសបាន។

(លោក ឃុន ចាន់ដារា នាយកគ្រប់គ្រងហាងកាហ្វេ KOI)

លោកបន្ថែមថា ផលិតផលមួយ ត្រូវតែបង្កើតអារម្មណ៍ដល់អតិថិជនរបស់អ្នក។ លោក ឧទាហរណ៍ថា នៅពេលដែលអតិថិជនចូលទៅក្នុងហាង ទទួលបានសេវាបម្រើតាំងចុះពីលើម៉ូតូរហូតដល់ចូលក្នុងហាង និងចេញត្រឡប់ទៅវិញដោយអារម្មណ៍កក់ក្ដៅ នេះជាការបង្កើតអារម្មណ៍ដល់អតិថិជន និងថែមទាំងទទួលបានការផ្សព្វផ្សាយបន្តទៀត៕

អត្ថបទ៖ ស៊ិន សាវ៉េត

ពាក្យទាក់ទង

ព័ត៌មានសង្គម

អត្ថបទពេញនិយម

ដំណើរជីវិត អ៊ុងអ៊ីង នាយករដ្ឋមន្រ្តីវ័យក្មេងបំផុត ក្នុងប្រវត្តិសាស្រ្ត របស់ប្រទេសថៃ

ពីអាគារចាស់ សល់ពី សម័យប៉ុល ពត ក្លាយទៅជាភូមិគ្រិះ ព័ទ្ធដោយសួនធម្មជាតិ យ៉ាងមនោរម្យ!

កាន់តែទាក់ទាញ ទេសចរណ៍នៅសៀមរាប ម៉តូធំអូសរម៉កបំពាក់បាសធំៗត្រៀមជូនភ្ញៀវដើរលេងកម្សាន្ត

កម្ពុជា ជាទីផ្សារនាំចេញប្រេងឥន្ធនៈធំបំផុតទី២ របស់ប្រទសថៃ

ក្រសួងប្រៃសនីយ៍ និងទូរគមនាគមន៍ ជូនដំណឹងស្ដីពីកំណើនឡើង ការវាយប្រហារសាយប័រ

រូបចម្លាក់ “ព្រះមហាក្សត្រ ព្រះបាទជ័យវរ្ម័នទី៧ ប្រយុទ្ធជាមួយតោ” ដាក់តាំង នៅ Garden by the Bay ដ៏ល្បីល្បាញ នៅសិង្ហបុរី

អត្ថបទថ្មី

បវរកញ្ញា និងបុរសឯកពោរពេញដោយសម្រស់ និងសមត្ថភាព ៤រូប ត្រូវបំពាក់មកុដ និងឈៀងផ្លូវការព្រមៗគ្នា

កម្មវិធី JCI Cambodia Leadership Academy លើកទី១០ បញ្ចប់ដោយជោគជ័យ ក្នុងការបណ្តុះ អ្នកដឹកនាំជំនាន់ក្រោយ

សេចក្តីថ្លែងការណ៍ផ្លូវការរបស់លោក Looi Kok Soon ស្តីពីការលាលែងពីតំណែងជានាយកប្រតិបត្តិមិនឯករាជ្យ និង ប្រធាននាយកប្រតិបត្តិពីធនាគារ ព្រីនស៍ ម.ក

អង្គការក្រៅរដ្ឋាភិបាលហុងកុង ជី អិច ហ្វោនដេសិន ចុះហត្ថលេខា MOU ជាមួយ CAIC ដើម្បីគាំទ្រការការពារជំងឺគ្រុនឈាម និងជំងឺឆ្លងបង្កដោយវ៉ិចទ័រផ្សេងៗ

ចូលរួមដោយសេរី៖ ក្រុមហ៊ុន Smart Axiata អបអរសមិទ្ធផលចីរភាពជាង 10 ឆ្នាំ ក្នុង ពិព័រណ៍សិល្បៈភពផែនដី ជាមួយ ReMade

វិទ្យាស្ថានបារាំង កម្ពុជា (IFC) និង ក្រុមហ៊ុនអូស៊ីអាយស៊ី (OCIC) បង្ហាញអ្នករចនាក្បាច់រាំជនជាតិបារាំង ដាលីឡា បេឡាហ្សា សម្រាប់ការស្នាក់នៅប្រកបដោយសិល្បៈប្លែក និងការសម្តែងរបាំសាធារណៈនៅកម្ពុជា