Reus ថា សុខចិត្តចំណាយលុយទាំងអស់ក៏បានដែរ ឲ្យតែបានជាពីរបួសវិញ
- 2017-10-05 13:44:34
- ចំនួនមតិ 0 | ចំនួនចែករំលែក 0
Reus ថា សុខចិត្តចំណាយលុយទាំងអស់ក៏បានដែរ ឲ្យតែបានជាពីរបួសវិញ
ចន្លោះមិនឃើញ
ខ្សែប្រយុទ្ធស្លាប Marco Reus កាលពីពេលថ្មីៗនេះ បាននិយាយថា ខ្លួនសុខចិត្តចំណាយលុយទាំងអស់ដែលខ្លួនមាន ឲ្យតែបានជាពីរបួស ហើយអាចចូលលេងបានវិញ។
ក្នុងកិច្ចសម្ភាសន៍ជាមួយសារព័ត៌មាន GQ ពេលសួររឿងរបួស ខ្សែប្រយុទ្ធរReus បាននិយាយថា៖ "ទឹកភ្នែកខ្ញុំចាប់ផ្ដើមហូរស្រក់តែម្ដង នៅពេលដែលខ្ញុំដឹងថាខ្ញុំមានបញ្ហារបួសទៀតហើយ (សំដៅលើរបួសក្បាលជង្គង់កើតឡើងពេល Reus លេងឲ្យ Dortmundក្នុងអំឡុងខែឧសភា)"។
ខ្សែប្រយុទ្ធវ័យ ២៨ឆ្នាំរូបនេះ បានបន្តទៀតថា៖ "នៅពេលរបួសអញ្ចឹង ខ្ញុំត្រូវចំណាយពេលហ្វឹកហាត់តែម្នាក់ឯង ដើម្បីធ្វើយ៉ាងណាឲ្យឆាប់ជាពីរបួសវិញ។ ខ្ញុំឆ្អែតចិត្តណាស់ ពេលរបួសម្ដងៗ។ ពិតណាស់ ក្នុងឋានៈជាកំពូលកីឡាករ ជាធម្មតាយើងរកលុយបានច្រើនណាស់ ប៉ុន្តែពេលខ្លះយើងក៏ត្រូវចំណាយលុយច្រើនទៅវិញដែរ ដើម្បីធ្វើយ៉ាងណា ឲ្យយើងមានសុខភាពល្អហើយជាពីរបួស។ ចំពោះខ្ញុំ ខ្ញុំសុខចិត្តចំណាយលុយទាំងអស់របស់ខ្ញុំ ឲ្យតែខ្ញុំជាពីរបួសវិញមក ដើម្បីអាចឲ្យខ្ញុំធ្វើការងាររបស់ខ្ញុំ ការងារដែលខ្ញុំស្រលាញ់ ហើយការងារនោះគឺជាការលេងបាល់ទាត់"។
គួរបញ្ជាក់ផងដែរថា ខ្សែប្រយុទ្ធស្លាប Marco Reus ប៉ុន្មានឆ្នាំចុងក្រោយឆ្នាំនេះ ឧស្សាហ៍របួសណាស់ ក្នុងនោះកីឡាករអាល្លឺម៉ង់នេះ បានអាក់ខានលេងបាល់ World Cup ឆ្នាំ ២០១៤ ដោយសាររបួសកជើង ហើយបានអវត្តមានក្នុងការលេងបាល់ Euro ឆ្នាំ២០១៦ ដោយសាររបួសក្រលៀន ហើយរងរបួសកែងជើង កាលពីចុងឆ្នាំមុន ព្រមទាំងរបួសដាច់សរសៃពួរនៅខែមិនា ដើមឆ្នាំនេះ។ ជាពីរបួសមិនបានប៉ុន្មានផង ខ្សែប្រយុទ្ធ Dortmund រូបនេះ បានរងរបួសក្បាលជង្គង់ម្ដងទៀតកាលពីខែឧសភា ដែលជារបួសដែលធ្វើឲ្យគេមិនអាចលេងបាល់រហូតដល់ដើមឆ្នាំក្រោយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
