កុំព្យូទ័រ Mac គាំង Shutdown មិនបាន នេះវិធីដោះស្រាយ

2017-11-08 02:17:17
ចំនួនមតិ 0 | ចំនួនចែករំលែក 0

ចន្លោះមិនឃើញ

កុំព្យូទ័រ Mac ដែលមានតម្លៃខ្ទង់ពាន់ដុល្លារនោះ រមែងជួបបញ្ហាគាំងម្ដងម្កាលអាស្រ័យការថែទាំរបស់អ្នកប្រើប្រាស់ និងអាយុកាលរបស់វា។ បញ្ហាប្រឈមដែលអ្នកប្រើប្រាស់កុំព្យូទ័រប្រភេទនេះជួប គឺចូលចុច Shutdown (បិទ) តែម៉ាស៊ីនមិនបិទនោះឡើយ។ ដូចនេះ ខាងក្រោមជាគន្លឹះដើម្បីដោះស្រាយបញ្ហាខាងលើ៖

របៀបបិទម៉ាស៊ីន Mac

១. ចុចលើស្លាកសញ្ញាផ្លែប៉ោមនៅខាងលើផ្នែកឆ្វេងអេក្រង់ រួចជ្រើសរើស Shut Down។

២. អ្នកនឹងឃើញផ្ទាំងមួយបញ្ជាក់អ្នកក្នុងការ Shut down ជាមួយនឹងរយៈពេលរាប់ថយក្រោយប្រមាណ ១ នាទី។

៣. អ្នកអាចរំលងការរាប់ថយក្រោយនេះបាន បើសិនជាអ្នកចុច Command key ឲ្យជាប់ ខណៈជ្រើសរើស Shut Down។

៤. អ្នកប្រហែលឃើញផ្ទាំងមួយបង្ហាញអ្នកថា គួររក្សាទុកទិន្នន័យលើកម្មវិធីណាមួយអ្នកកំពុងប្រើ។

៥. ពេលបិទនូវកម្មវិធីទាំងអស់ ម៉ាស៊ីន Mac នឹងអាចបិទបាន។

ប៉ុន្តែពេលខ្លះ វាមិនមានលក្ខណៈរលូននោះទេ ដែលមានហេតុផលមួយចំនួន ដែលតម្រូវផ្ដល់ពេលវេលាបន្ថែមដល់ម៉ាស៊ីន Mac។

ប្រសិនបើម៉ាស៊ីនមិនបិទដូចធម្មតាទេ ចំណុចដំបូងគួរធ្វើគឺទុកពេលឲ្យវាបន្តិច។ ពេលខ្លះដំណើរការក្នុងការបិទប្រព័ន្ធមានរយៈពេលយូរបន្តិចលើ MacOS ប៉ុន្តែមិនលើសពី មួយនាទីនោះទេ ទៅតាមកម្រិតកម្មវិធី ឬឯកសារបើក តិចឬច្រើន ហើយប្រព័ន្ធព្យាយាមបិទកម្មវិធីទាំងអស់នោះ។ ដូច្នេះក្នុងករណីនេះ អ្នកចុចលើស្លាកសញ្ញាផ្លែប៉ោម រួចជ្រើសរើស Shut Down បន្ទាប់មកទុកម៉ាស៊ីនដំណើរការខ្លួនវាប្រហែល ៥ នាទី។

បិទកម្មវិធី ឬឯកសារទាំងអស់មុនពេលបិទម៉ាស៊ីន

ប្រព័ន្ធប្រតិបត្តិការ Mac ត្រូវការបិទនូវកម្មវិធីទាំងអស់ មុនវាអាចបិទបាន។ បញ្ហាក្នុងដំណើរការបិទប្រព័ន្ធ ពេលខ្លះដោយសារកម្មវិធីបរាជ័យក្នុងការបិទ ដូចជាកម្មវិធីមានឯកសារមិនបានរក្សាទុក ឬកម្មវិធីគាំង។ អ្នកអាចពិនិត្យមើលនូវបញ្ហាទាំងនេះដូចខាងក្រោម៖

១. ត្រួតពិនិត្យមើលលើ Dock សម្រាប់កម្មវិធីលោតចុះឡើង ដែលទាញចំណាប់អារម្មណ៍អ្នកលើកម្មវិធី ឬឯកសារនោះ។

២. ប្រសិនបើអ្នកត្រូវការរក្សាទុក File ជ្រើសរើស Save ពីផ្ទាំង Alert Window សម្រាប់ឯកសារនីមួយៗ។ ប្រសិនបើអ្នកជ្រើសរើស Cancel វានឹងបញ្ឈប់ដំណើរការបិទប្រព័ន្ធ។

៣. ប្រសិនបើមានកម្មវិធីបរាជ័យក្នុងការបិទ អ្នកអាច Force Quit ដោយចុច Mouse ស្ដាំលើកម្មវិធីនោះអ្នកនឹងមានជម្រើស Force Quit បាន (ប៉ុន្តែអាចបាត់បង់ទិន្នន័យក្នុងកម្មវិធីនោះ)។ពេលកម្មវិធីបិទអស់ហើយ ប្រព័ន្ធនឹងអាចបិទដោយជោគជ័យ។

ធ្វើយ៉ាងម៉េចពេលម៉ាស៊ីន Mac គាំង?

ពេលខ្លះម៉ាស៊ីន Mac មិនបិទ ដោយសារវាគាំង។ អ្នកអាចសាករំកិល Cursor ចុះឡើង ប្រសិនបើមិនអាចរំកិលបាននោះទេ មានន័យថាប្រព័ន្ធ Mac គាំង។ ដូច្នេះអ្នកអាចសាកល្បងវិធីដូចខាងក្រោម៖

ចុចប៊ូតុង Power ឲ្យជាប់រយៈពេល ១,៥ វិនាទី អ្នកនឹងឃើញផ្ទាំងមួយសួរអ្នកចង់ Sleep, Restart ឬ Shutdown។
អ្នកអាចចុចលើ Control ជាមួយនឹងប៊ូតុង Power ឲ្យជាប់ដែលនឹងបង្ខំម៉ាស៊ីន Mac បិទបើកឡើងវិញ។

ប្រសិនបើម៉ាស៊ីន Mac នៅតែមិនបិទទៀត អ្នកអាចបង្ខំឲ្យបិទតែម្ដង

១. ចុចប៊ូតុង Power ឲ្យជាប់រហូតដល់អេក្រង់រលត់ និងពន្លឺថាមពលបិទ។

២. ទុកម៉ាស៊ីនប្រហែល ៣០ វិនាទី មុនចុចប៊ូតុង Power ម្ដងទៀតក្នុងការបើកប្រើប្រាស់។

វាមិនមែនជាទម្លាប់ល្អនោះទេក្នុងការបិទម៉ាស៊ីន Mac ដោយវិធីនេះ ប្រព័ន្ធ MacOS នឹងអាចដំណើរការល្អ ប្រសិនបើអ្នកបិទតាមប្រក្រតី។ ប្រសិនបើម៉ាស៊ីន Mac បដិសេធមិនបិទ ហើយអ្នកបានបិទកម្មវិធីអស់ហើយ អ្នកគួរពិនិត្យមើលបញ្ហារបស់វាសិន ជៀសជាងពឹងលើការចុចលើប៊ូតុង Power ឲ្យជាប់។

របៀបជួសជុលពេលប្រព័ន្ធ Mac មិនអាចបិទ

ប្រសិនបើប្រព័ន្ធចេះតែមិនអាចបិទបានជោគជ័យ អ្នកអាចសាកល្បងវិធីនេះបានប្រកបដោយការទទួលខុសត្រូវលើឧបករណ៍ខ្លួនអ្នក ជាពិសេសចំណុចទី ៧ និង ៨។

១. ព្យាយាមកំណត់នូវកម្មវិធីណាមួយដែលបង្កើតបញ្ហា ដោយអាចគាំងពេលដំណើរការបិទប្រព័ន្ធ បន្ទាប់មកធ្វើកំណែទម្រង់កម្មវិធីនោះ ឬដំឡើងកម្មវិធីនោះសារជាថ្មី។

២. ព្យាយាមកំណែទម្រង់កម្មវិធី ដោយបើកកម្មវិធី App Store រួចចុច Updates > Update All។

៣. កំណែទម្រង់កម្មវិធី អ្នកបានដំឡើងក្រៅ App Store ដោយបើកកម្មវិធី រួចជ្រើសរើស Help > Update or App > Update Software។

៤. ត្រួតពិនិត្យថាអ្នកបានបិទនូវ FileValut ដោយចូល System Preferences > Security & Privacy > FileValut > Turn Off FileValut។

៥. បើកកម្មវិធី Disk Utility ជ្រើសរើស Hard drive សំខាន់ ហើយចុច Verify Disk។ ប្រសិនបើមានបញ្ហាណាមួយ ចុចលើ Repair Disk។

៦. ជ្រើសរើស Volume សំខាន់ក្នុង Disk Utility រួចជ្រើសរើស Verify Disk Permissions > Repair Disk Permissions។

៧. Reset នូវ SMC។

៨. ធ្វើការ Back up នូវប្រព័ន្ធ Mac ហើយដំឡើង MacOS សារជាថ្មី៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ Macworld ប្រែសម្រួល៖ ប៊ុន ធឿន

ពាក្យទាក់ទង

គន្លឹះខ្លីៗលើ Mac OS ប៊ុនធឿន

អត្ថបទពេញនិយម

គម្រោងស្ពានផ្សារចាស់-ជ្រោយចង្វារ-អរិយក្សត្រ កំពុងស្ថិតក្នុងដំណាក់កាលណាហើយ?

ខែភ្លៀង ត្រៀមឱ្យហើយ! ពេលបើកម៉ូតូកាត់ទឹក ស្រាប់តែរលត់ម៉ាស៊ីន គឺត្រូវធ្វើតាមវិធីទាំងនេះ បើមិនចង់ឱ្យខូចធ្ងន់លើសដើម

ត្រឹម៥ខែប៉ុណ្ណោះ! បដិមាបុរាណខ្មែរជាច្រើន ត្រូវបានជីកកំណាយរកឃើញ និងវិលត្រឡប់ពីបរទេស

កូនកាត់ម្នាក់ទៀតហើយ! សឺរីដេន អានីសាហុន កូនកាត់ខ្មែរ-អង់គ្លេស ដាក់ពាក្យប្រកួតបវរកញ្ញា

ផលិតករ K-Pop ម្នាក់ត្រូវបានកាត់ទោសឲ្យជាប់ពន្ធនាគារពីបទក្លែងខ្លួនជាសមាជិក BTS

កាត់បន្ថយហានិភ័យច្រើនណាស់! បច្ចេកវិទ្យាជប៉ុនថ្មីមួយ ជួយការពារមិនឱ្យរបូតកង់ឡាន ពេលកំពុងបើកបរ

អត្ថបទថ្មី

រវល់ជាមួយការងារប៉ុណ្ណាក៏ដោយ Taylor ឆ្លៀតពេលសាកថ្មជីវិតជាមួយមិត្តប្រុសយ៉ាងផ្អែមល្ហែម

ក្ដីស្រឡាញ់ និងឆន្ទៈចង់ឈ្នះមេដាយជូនជាតិក្រុមកាយវប្បកម្មចំណាយថវិកាផ្ទាល់ខ្លួនមិនតិចទេសម្រាប់ការប្រកួតជើងឯកអាស៊ីអាគ្នេយ៍

មានលុយធ្វើអីក៏សម បុរសម្នាក់ប្រើជីវិតបែបអភិជន រហូតគេដាក់ឈ្មោះថាជា «Kim Kardashian ចិន»

គម្រោងប្រព័ន្ធធារាសាស្រ្តថ្មី២នេះ នឹងបម្រើដល់វិស័យកសិកម្មក្នុងខេត្តកំពង់ធំ យ៉ាងធំធេង

Toyota ចាយលុយដល់ ១,៤ពាន់លានដុល្លារ ដើម្បីផលិតរថយន្តអគ្គិសនីកៅអី ៣ជួរ