សមាគមដែលស្ទើរតែបិទទ្វារម្តងៗ បាននាំទម្រង់ល្ខោនស្រមោលឱ្យបរទេសស្គាល់ស្ទើរទូទាំងពិភពលោក

2017-11-22 11:16:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្បិតតែសមាគមសុវណ្ណភូមិស្ទើរតែបិទទ្វាម្ដងៗទៅហើយក្ដី តែសមាគមមួយនេះបានជួយផ្សព្វផ្សាយសិល្បៈខ្មែរឱ្យអន្តរជាតិបានស្គាល់មិនតិចទេ ជាពិសេសក្នុងទម្រង់ល្ខោនខោល ល្ខោនស្រមោលស្បែកធំ និងស្បែកតូច។

បើតាមប្រធានសមាគមសុវណ្ណភូមិលោក ម៉ាន កុសល បានប្រាប់ Sabay ថា តាំងពីសមាគមបើកក្នុងឆ្នាំ ១៩៩៤ មក លោកបានព្យាយាមបង្កើតស្នាដៃថ្មី និងថែរក្សាស្នាដៃចាស់ៗជាច្រើនទាក់ទងនឹងទម្រង់ល្ខោនស្រមោល។ ជាងនេះទៅទៀត លោកបានស្វះស្វែងធ្វើយ៉ាងណាឱ្យទម្រង់សិល្បៈមួយនេះ មានជីវិតទាំងក្នុងប្រទេសកម្ពុជា និងមានវត្តមានលើឆាកអន្តរជាតិ។ លោកបញ្ជាក់ថា ក្នុងនាមជាសមាគមសុវណ្ណភូមិ លោកបាននាំយកសិល្បករខ្មែរជាច្រើនរូប ទៅសម្ដែងល្ខោនស្រមោលស្បែកធំ ស្បែកតូច និងល្ខោនខោល ទៅក្នុងប្រទេសជាច្រើនលើពិភពលោក ដែលលោកមិនអាចរាប់ឈ្មោះអស់។ លោកថារាល់ការទៅសម្ដែងនៅក្រៅប្រទេសម្ដងៗ មានការគាំយ៉ាងខ្លាំងពីទស្សនិកជន។

លោក ម៉ាន កុសល ប្រធានសមាគមសុវណ្ណភូមិ

“និយាយទៅតាំងពីខ្ញុំបើកសមាគមនេះដំបូងមក ខ្ញុំបាននាំសិល្បករខ្មែរយើងទៅសម្ដែងទម្រង់ល្ខោនស្រមោលស្បែកធំ ស្បែកតូច និងល្ខោនខោល ទៅសម្ដែងនៅក្រៅប្រទេសច្រើន រាប់មិនអស់ទេ មានទាំងប្រទេសនៅអាស៊ី និងអឺរ៉ុប ហើយប្រទេសខ្លះទៅច្រើនដងលើសពី៥ដង”។

រូបពី facebook

លោកបន្ថែមថា ការចេញទៅសម្ដែងនៅក្រៅប្រទេសម្ដងៗ ប្រទេសសាមីដែលអញ្ជើញខាងសមាគមសុវណ្ណភូមិទៅសម្ដែង ប្រទេសភាគច្រើនចេញជាសំបុត្រយន្តហោះ និងកន្លែងស្នាក់នៅ ហើយប្រទេសខ្លះទៀតក៏ផ្ដល់ជាអាហារឱ្យដែរ តែមិនមានប្រាក់ឧបត្ថម្ភនោះឡើយ។

ចុចអាន៖ សមាគមសិល្បៈសុវណ្ណភូមិ បដិសេធព័ត៌មានផ្អាកសម្ដែងល្ខោនស្រមោលស្បែកធំ

ដើម្បីវប្បធម៌ជាតិ ហង់ ភូមិរ៉ា បង្ហាត់របាំដោយមិនយកប្រាក់កម្រៃ

អត្ថបទ៖ ប៉ូ សាគុន