ដល់ក! Maroon 5 និង Jimmy បង្កការភ្ញាក់ផ្អើលពេញស្ថានីយរថភ្លើងក្រោមដី

2017-11-23 02:18:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីករកម្មវិធីទូរទស្សន៍ Jimmy Fallon បានចំណាយពេលរបស់លោកក្នុងថ្ងៃបុណ្យ Thanksgiving ដោយផ្ដល់ជាការសម្ដែងដ៏ភ្ញាក់ផ្អើលមួយដល់អ្នកដំណើរស្ថានីយក្រោមដីនៅទីក្រុងញ៉ូវយ៉កជាមួយតារាចម្រៀង Maroon 5។

Jimmy Fallon

Adam Levine

ពិធីករកម្មវិធី "Tonight Show" រូបនេះបានសហការគ្នាជាមួយតារាចម្រៀង Adam Levine និងសមាជិកក្រុមភ្លេងរបស់លោកឈ្មោះ James Valentine ដោយសម្ដែងរួមគ្នានៅក្នុងផ្លូវស្ថានីយទី ៥០ ខាងក្រោមមជ្ឈមណ្ឌល Rockefeller។ ពួកគេបានតុបតែងខ្លួនជាក្មេងស្ទាវមានពុកមាត់ ហើយពាក់មួក និងវ៉ែនតា ដើម្បីបន្លំភ្នែកអ្នកដំណើរនៅទីនោះ។

លោក Fallon បាននិយាយមុនពេលពួកលោកចេញទៅសម្ដែងថា៖ "គ្មាននរណាម្នាក់ដឹងថារឿងនេះវានឹងកើតឡើងនោះទេ គ្មាននរណាស្គាល់ថានេះជា Maroon 5 ទេ"។

ក្រុមសម្ដែងរបស់លោកបានទាក់ទាញចំណាប់អារម្មណ៍ពីអ្នកដំណើរជាច្រើនជាមួយបទ "Crazy Little Thing Called Love" ដោយលោក Fallon ជាអ្នកគោះចង្រ្កំតាមចង្វាក់ភ្លេង។ ប៉ុន្តែក្រោយមកអ្នកដំណើរក៏មានភាពភ្ញាក់ផ្អើលជាខ្លាំងនៅពេលដែលលោក Fallon និង ក្រុមភ្លេងរបស់លោកទាំងអស់ ដោះពុកមាត់ និងមួករបស់ពួកគេចេញនោះ។

ភ្លាមៗនោះដែរ ពួកគេបានច្រៀងបទដែលកំពុងតែពេញនិយម "Sugar" ខណៈអ្នកទស្សនាជាច្រើនបានច្រៀងតាមនឹងថតសកម្មភាពដ៏សប្បាយរីករាយនេះក្នុងទូរស័ព្ទរបស់ពួកគេ។

ចង់ដឹងថាពួកគេធ្វើឲ្យអ្នកដំណើរភ្ញាក់ផ្អើលយ៉ាងណានោះ សូមទស្សនាវីដេអូទាំងអស់គ្នា៖