មកដឹងរបៀបថតរូបផ្កាយ ដែលធ្វើបានទាំងកាមេរ៉ា និងស្មាតហ្វូន

2017-11-28 02:19:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ទិដ្ឋភាពពេលយប់លើមេឃ អ្វីដែលមានភាពស្រស់ស្អាតក្រៅពីព្រះចន្ទ គឺផ្កាយ ដែលមានពន្លឺតូចៗច្រើន ភ្ជាប់ជាមួយនឹងទេសភាពផ្សេងៗ ដូចជាដើមឈើ ឬភ្នំ។ អ្នកអាចចាប់យករូបភាពទាំងនេះបាន ជាអនុស្សាវរីយ ឬលក់បាន ព្រោះមិនសូវជាស្រួលផ្ដិតយកប៉ុន្មាននោះទេ។ អ្នកអាចពិនិត្យមើលចំណុចខាងក្រោម ជាយោបល់ក្នុងការផ្ដិតយករូបភាពផ្កាយ ជាពិសេសទិដ្ឋភាព Milky Way៖

១. រៀបចំសម្ភារៈថត

ការថតរូបផ្កាយមិនតម្រូវមានតួកាមេរ៉ាតម្លៃ ៥ ០០០ ដុល្លារ ដូច NASA ប្រើនោះទេ តែគួរមានភ្ជាប់នូវសម្ភារៈមួយចំនួនដូចជា Tripod ជាដើម ដើម្បីការពារលទ្ធផលរូបភាពព្រាល ពេលថតរូបពេលយប់ ព្រោះអ្នកនឹងប្រើ Exposure រយៈពេលយូរ។ អ្នកអាចប្រើកាមេរ៉ា DSLR ឬ Mirrorless ជាមួយនឹងការកំណត់ Exposure និងការ Focus ដោយខ្លួនឯង។ ម្យ៉ាងវិញទៀត សូម្បីតែកាមេរ៉ាទូរសព្ទក៏អាចថតបាន តែគ្រាន់តែមានចំណុចពិបាកច្រើន។ អ្នកអាចប្រើ Telephoto lens អាចផ្ដល់នូវបាតុភូតនៅខាងលើកាន់តែជិត ឬ Super-wide-angle lens អាចពង្រីកបានទិដ្ឋភាពធំចាប់ពីដីឡើងលើ។ ដោយសារតែអ្នកថតរូបពេលយប់ អ្នកគួរមានពិលតាមខ្លួន។ ម្យ៉ាងវិញទៀត អ្នកគួរមានភាពសាំនឹង Controls លើកាមេរ៉ា មុនអ្នកទៅទីតាំងនោះ ហើយប្រសិនបើកាមេរ៉ាអ្នកមាន Backlit controls អ្នកគួរដឹងពីទីតាំងជម្រើសនោះ។

២. មានគម្រោងចំពោះអាកាសធាតុ

ពេលលើមេឃមានពពកច្រើន អ្នកប្រាកដជាមិនអាចឃើញនូវផ្កាយច្រើននោះទេ ហើយខ្លះអាចមិនឃើញតែម្ដង។ ពេលព្រះចន្ទភ្លឺល្អ អ្នកនឹងអាចឃើញផ្កាយជាច្រើន។ ប្រសិនបើអ្នកចង់ថតរូបលក្ខណៈ Milky Way អ្នកគួរមានគម្រោងក្នុងការថតអំពីទីតាំងផ្កាយ ស្ថិតនៅរយៈពេលណាមួយ មិនពិបាកខ្លាំងនោះទេ ដោយគ្រាន់តែប្រើនូវកម្មវិធី PhotoPills អាចជួយបានច្រើន។

៣. ទៅកាន់តែឆ្ងាយ

ចំពោះការថតរូបផ្កាយ ពន្លឺក្នុងក្រុងអាចរំខានដល់ពន្លឺផ្កាយ ដែលអាចពិបាកដល់កាមេរ៉ាចាប់យករូបភាពផ្កាយបានច្រើន។ អ្នកគួរនៅឆ្ងាយពីក្រុងព្រោះមានពន្លឺជះពីក្នុងក្រុងច្រើន។ ប្រសិនបើអ្នកមានឱកាសថតរូបផ្កាយ ហើយមិនស្ថិតនៅឆ្ងាយពីពន្លឺក្នុងក្រុង អ្នកនៅតែអាចថតបានផ្កាយមួយចំនួន តែមិនច្រើននោះទេ។

៤. ស្វែងរកនូវផ្ទៃដី ដែលជាផ្ទៃខាងមុខ ឬខាងក្រោយ

អ្នកអាចចាប់យករូបភាពទេសភាពបន្សំជាមួយនឹងរូបភាពផ្កាយ ដែលបង្កើតរូបភាពកាន់តែចាប់អារម្មណ៍។ អ្នកអាចឲ្យធាតុមួយចំនួននៅផ្ទៃខាងមុខទិដ្ឋភាពផ្កាយ ដូចជាដើមឈើ ឬមានភ្នំនៅផ្ទៃខាងក្រោយនៃទិដ្ឋភាពផ្កាយ។ អ្នកអាចផ្ដោត Focus លើទិដ្ឋភាពផ្កាយ ហើយឲ្យទិដ្ឋភាពប្រែក្លាយជាលក្ខណៈ Silhouette ឬ អ្នកអាចប្រើពិល ឬប្រភពពន្លឺផ្សេងទៀត លើផ្ទៃខាងមុខនៃធាតុមួយ ដូច្នេះធាតុនោះអាចមានពណ៌ពេញល្អ ជាមួយនឹងមេឃ។ ពេលអ្នករកឃើញនូវទិដ្ឋភាពអ្នកចង់ថត អ្នកអាចដំឡើង Tripod នៅទីនោះបាន។

៥. កំណត់ Exposure

ផ្កាយមានចលនាលើមេឃពេលយប់ ហើយប្រសិនបើអ្នកកំណត់ Exposure រយៈពេលយូរពេក ផ្កាយនឹងបង្ហាញព្រាល។ សម្រាប់ការថតរូបផ្កាយ អ្នកគួរប្រើ Shutter priority mode ឬ Manual mode ដោយមាន Shutter speed តិចជាង ៣០ វិនាទី ឬ តិចជាង ២០ វិនាទី ។ ក្នុងការថតរូប Milky Way កម្រិតលម្អិត អ្នកអាចកំណត់លើសនេះបន្តិច ដែលគ្រប់គ្រាន់ឲ្យមេឃភ្លឺជាងទិដ្ឋភាពលើផ្ទៃដី។ ការប្រើ Aperture ធំ ងាយស្រួលសម្រាប់កម្រិតពន្លឺទាបបែបនោះ ហើយ ISO អាចជួយផ្ដល់តុល្យភាពនឹងគ្នាបាន តែ Settings បែបនេះ នឹងមានភាពខុសគ្នា អាស្រ័យលើទីតាំង និងប្រភពពន្លឺក្នុងទិដ្ឋភាព។

ការកំណត់ Shutter speed តិចជាង ៣០ វិនាទី នឹងផ្ដល់ឲ្យអ្នកនូវពន្លឺគ្រាប់តូចៗនោះ។ ពេលផ្កាយដើរលើមេឃ នឹងធ្វើឲ្យពន្លឺព្រាល។ សម្រាប់ផ្កាយដើរ អ្នកត្រូវការ Exposure រយៈពេលយ៉ាងហោចណាស់ ៣០ វិនាទី។ ប្រសិនបើអ្នកចង់បង្ហាញដំណើរផ្កាយមានចលនាលើមេឃ អ្នកអាចតម្រង់កាមេរ៉ាទៅប៉ូលខាងជើង ឬខាងត្បូង ហើយប្រើ Bulb mode រយៈពេលពីរ ឬបីម៉ោង។ ជម្រើសមួយទៀត អ្នកអាចលាយរូបភាពជាច្រើនចូលគ្នា ក្រោម៣០ វិនាទី ដើម្បីបង្កើតដំណើរផ្កាយ ឬភ្ជាប់រូបភាពដូចគ្នាទាំងនោះចូលគ្នាទៅជាវីដេអូដំណើរផ្កាយជាលក្ខណៈ Time-lapse។

៦. កំណត់ Focus

ការប្រើ Autofocus ត្រូវការពន្លឺក្នុងការដំណើរការ ដូច្នេះ Manual focus សាកសមសម្រាប់ការថតរូបផ្កាយ។ អ្នកអាចបង្វិល Focus dial ទៅកាន់ចំណុច Infinity បន្ទាប់មកចាប់ផ្ដើមថតពីទីនោះ។ ការ Focus ចំណុចកំពូលអាចជួយបានច្រើន ដូច្នេះបើម៉ូដែលកាមេរ៉ាអ្នកផ្ដល់នូវមុខងារនេះ អាចបើកដំណើរការបាន។ មួយវិញទៀត អ្នកគួរត្រួតពិនិត្យមើលចំណុច Focus ដោយប្តូរទៅប្រើ Live view mode ហើយចុចលើ Magnifying glass ដើម្បីត្រួតពិនិត្យការថត។

៧. ប្រើ Self-timer ឬ Camera remote ក្នុងការថត

ការចុចថតដោយផ្ទាល់លើកាមេរ៉ាកំឡុងពេលប្រើ Exposure រយៈពេលយូរ អាចធ្វើឲ្យកាមេរ៉ារង្គើ សូម្បីតែប្រើ Tripod ក៏ដោយ។ អ្នកគួរប្រើមុខងារ Self-timer លើកាមេរ៉ា ឬប្រើ Camera remote អាចការពារកុំឲ្យរង្គើពេលថត ក្រោយការចាប់ប្លង់ កំណត់ Exposure និង ការ Focus បានល្អ។

៨. ពិនិត្យមើល និងកែប្រែ

ក្រោយពេលថតរួច អ្នកគួរត្រួតពិនិត្យមើលលើ LCD មុនពេលថតរូបបន្ទាប់។ អ្នកគួរប្រាកដថាចំនុច Focus ច្បាស់ល្អ ដោយពង្រីកមើលផ្កាយទាំងនោះ។ ប្រសិនបើរូបភាពទេសភាព និងមេឃមានពណ៌ដូចគ្នា អ្នកអាចបង្កើន Exposure បាន។ អ្នកគួរមើលឲ្យកៀកនឹងកាមេរ៉ា ពេលកែប្រែ Exposure ដើម្បីកាត់បន្ថយអត្រាកើនឡើង Noise ក្នុងរូបភាព។ ម្យ៉ាងវិញទៀត អ្នកគួរពិនិត្យមើលប្លង់រូបភាព ព្រោះពេលខ្លះអ្នកអាចងាយស្រួលថតបានផ្កាយច្រើន ក្រោយថតពីរ បីសន្លឹក។ អ្នកអាចថតរូបបន្តបន្ទាប់ជាមួយនឹងការកែតម្រូវ និងប្លង់ផ្សេង។

៩. កាត់ត

ក្រោយថតរូបផ្កាយ អ្នកគួរបន្ថែមឥទ្ធិពលលើពន្លឺតូចៗនោះ ដោយកែប្រែ Exposure ល្មម ដោយឲ្យផ្កាយលេចធ្លោល្អ។ White balance អាចមានភាពងាយស្រួល ពេលកាត់តរូបភាពផ្កាយ ដោយឲ្យមេឃកៀកនឹងពណ៌ខៀវចាស់ ឬពណ៌ស្វាយ ច្រើនជាងពណ៌ខ្មៅ ឬពណ៌ប្រផេះ។ Contrast ក៏អាចជួយឲ្យផ្កាយលេចធ្លោផងដែរ ដោយបង្កើនចំណុច Highlights និង ពណ៌សរ ហើយបន្ថយ Shadows និងពណ៌ខ្មៅ។ ការថត Milky Way អាចប្រើ Clarity និង Vibrance អាចជួយបង្ហាញនូវឧស្ម័ន និងធូលីនៃផ្កាយទាំងនោះបាន៕