លម្អិតរឿងរង្វាន់កាមេរ៉ាតម្លៃរាប់ពាន់ដុល្លារក្នុងកម្មវិធីប្រកួតថតរូប Canon PhotoMarathon Cambodia 2017

2017-11-28 03:07:47
ចំនួនមតិ 0 | ចំនួនចែករំលែក 0

ចន្លោះមិនឃើញ

សល់តែប៉ុន្មានថ្ងៃទៀតប៉ុណ្ណោះ គឺថ្ងៃអាទិត្យ ៣ ធ្នូ នេះ កម្មវិធីប្រកួតថតរូបដ៏ធំប្រចាំឆ្នាំនៅកម្ពុជា Canon PhotoMarathon Cambodia 2017 លើកទី៧ នឹងមកដល់ហើយ។ បើអ្នកស្រឡាញ់ថតរូប ចង់បង្ហាញស្នាដៃ និងឈ្នះរង្វាន់កាមេរ៉ាទំនើបៗតម្លៃពាន់ៗដុល្លារ សូមរួសរាន់ចុះឈ្មោះដោយចុចត្រង់នេះ [Register Photomarathon]/9https://www.facebook.com/iQlickCambodia/app/1979033148982251/)។

ដូចឆ្នាំមុនៗដែរ Canon PhotoMarathon Cambodia 2017 នឹងចែកចេញជាពីរផ្នែក ហើយផ្នែកនីមួយៗ នឹងមាន ៣ ប្រធានបទផ្សេងៗគ្នា ខណៈប្រធានបទទាំងនោះ នឹងត្រូវលាតត្រដាងនៅថ្ងៃប្រកួតតែម្ដង។

១. Open Category សម្រាប់អ្នកមានអាយុចាប់ពី ១៨ ឆ្នាំឡើង

លេខ១ ទទួលបានកាមេរ៉ា EOS 6D MK II (WG) Body តម្លៃ ១ ៧១០ ដុល្លារ សរុប ៣ រង្វាន់
លេខ២ ទទួលបានកាមេរ៉ា EOS 800D (W) Body តម្លៃ ៧៤៥ ដុល្លារ សរុប ៣ រង្វាន់
លេខ៣ ទទួលបានកាមេរ៉ា EOS 750D (W) Body តម្លៃ ៦៣៧ ដុល្លារ សរុប ៣ រង្វាន់។

១. Student Category សម្រាប់អ្នកមានអាយុក្រោម ១៨ ឆ្នាំ

លេខ១ ទទួលបានកាមេរ៉ា EOS 7D MK II (WG) Body តម្លៃ ១ ២៩៣ ដុល្លារ សរុប ៣ រង្វាន់
លេខ២ ទទួលបានកាមេរ៉ា EOS 200D/18-55 STM តម្លៃ ៦៦៨ ដុល្លារ សរុប ៣ រង្វាន់
លេខ៣ ទទួលបានកាមេរ៉ា EOS 130D/18-55 DC III តម្លៃ ៤៤៨ ដុល្លារ សរុប ៣ រង្វាន់។

ជយលាភីទាំង ១៨ រូប នឹងត្រូវធ្វើដំណើរទៅខេត្តសៀមរាប រយៈពេល ៣ ថ្ងៃ (៩-១១ ធ្នូ) ចូលរួមប្រកួត Angkor Photo Festival នៅទីនោះ ដើម្បីចម្រាញ់យកតែម្នាក់គត់ ទៅចូលរួមកម្មវិធីថតរូបនៅប្រទេសជប៉ុន។ ការចំណាយទាំងអស់ នឹងរ៉ាប់រងដោយក្រុមហ៊ុន i-Qlick។

ព័ត៌មានលម្អិត សូមចូលទៅហ្វេសប៊ុក i-Qlick Cambodia ៕

អត្ថបទ៖ សុផាត