រឿង៣យ៉ាង ដែលមេរបស់អ្នកមិននិយាយតែចង់ឲ្យអ្នកដឹង
- 2017-12-02 03:38:53
- ចំនួនមតិ 0 | ចំនួនចែករំលែក 0
រឿង៣យ៉ាង ដែលមេរបស់អ្នកមិននិយាយតែចង់ឲ្យអ្នកដឹង
ចន្លោះមិនឃើញ
ការប្រាស្រ័យទាក់ទងនៅកន្លែងធ្វើការ គឺជាប្រធានបទពិបាកស្វែងយល់បំផុត។ កូនចៅមិនមែនសុទ្ធតែងាយស្វែងយល់ពីមេ ដែលមេមិនបាននិយាយចេញមកទេ។ ថ្ងៃនេះយើងខ្ញុំសូមលើកយករឿងរ៉ាវសំខាន់ៗ៣ ដែលមានលក្ខណៈជាសកល ដែលចៅហ្វាយនាយចង់ឲ្យអ្នកដឹង ប៉ុន្តែមិនដែលបាននិយាយប្រាប់អ្នកនោះឡើយ៖
ទី១ មកទាំងបញ្ហានិងដំណោះស្រាយព្រមគ្នា
ចៅហ្វាយទូទៅចង់ឃើញបុគ្គលិករបស់ខ្លួន មកជួបគាត់ដោយលើកទាំងបញ្ហា និង ដំណោះស្រាយ មិនថាដំណោះស្រាយនោះប្រើកើត ឬ មិនកើតក៏ដោយ ព្រោះគ្មានអ្វីមានតម្លៃជាងបុគ្គលិកដែលព្យាយាមដោះស្រាយបញ្ហា ដើម្បីលើកកម្ពស់ក្រុមហ៊ុន ឬ ស្ថាប័ននោះទេ។
អ្នកប្រហែលជាកត់សំគាល់ឃើញថា ពេលអ្នកតែងលើកពីបញ្ហា ចៅហ្វាយរបស់អ្នកអាចសួរបកមកវិញ "ចុះអ្នកមានយោបល់អីអត់" ប្រសិនបើគាត់ជាមេល្អ ហើយនឹងអាចស្តីបន្ទោសថា "អត់ចេះដោះស្រាយរឿងប៉ុណ្ណឹងទេអី?” ប្រសិនបើគាត់ជាមេមិនល្អ។
ទី២ ចៅហ្វាយចង់ឲ្យអ្នករៀននូវអ្វីដែលមិនមែនជាការងាររបស់អ្នក
មេរបស់អ្នកចង់ឃើញលទ្ធផលរបស់អ្នក ប៉ុន្តែគេក៏យកចិត្តទុកដាក់ដែរ ថាតើអ្នករីកចំរើន និង រៀនសូត្រអ្វីខ្លះពីតួនាទីការងាររបស់អ្នក ពិសេសសមត្ថភាពរៀនសូត្រអ្វីដែលថ្មីៗរបស់អ្នក ព្រោះមេល្អតែងមើលឱកាសតម្លើងតួនាទីឲ្យអ្នក។
ហើយម្យ៉ាង ការបំពេញការងារក្នុងតួនាទីបច្ចុប្បន្នបានល្អមិនមែនមានន័យថាអ្នកនឹង បំពេញការងារដែលមេនឹងតម្លើងឋានៈបានល្អទេ។ ម្ល៉ោះហើយ អ្នកត្រូវមានភាពសកម្ម និង បង្ហាញសមត្ថភាពក្នុងការរៀនសូត្រ និង ការអភិវឌ្ឍន៍ខ្លួន ដើម្បីធ្វើឲ្យល្អទាំងការងារដែលជាតួនាទីរបស់ខ្លួន និង ការងារមិនមែនជាតួនាទីរបស់ខ្លួន។ ចៅហ្វាយរបស់អ្នកនឹងមានទំនុកចិត្តក្នុងការតម្លើងឋានៈតួនាទីឲ្យអ្នក។ ទី៣ អ្នកអាចជំនួសកិច្ចការចៅហ្វាយបាន
ក្នុងកាលៈទេសៈចាំបាច់ណាមួយដែលមេរបស់អ្នកមានធុរៈ អ្នកត្រូវប្រាកដថាអ្នកបានត្រៀមខ្លួនរួចជាស្រេចដើម្បីបំពេញការងារជំនួសគាត់។ ថ្ងៃនេះអ្នកស្ថិតនៅក្នុងតួនាទីរបស់អ្នក ប៉ុន្តែ ថ្ងៃស្អែកអ្នកអាចនឹងទៅកាន់តួនាទីជំនួសចៅហ្វាយនាយរបស់អ្នក៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
