ដាក់ Go Pro ដើម្បីថតសកម្មភាពសត្វព្រៃ មានអីស្វាឪមួយក្បាលយកមកថត Selfie យ៉ាងសង្ហា

2017-12-08 13:49:48
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកថតរូបម្នាក់ បានរៀបចំកាមេរ៉ា Go Pro នៅក្នុងព្រៃមួយកន្លែង ដើម្បីពិនិត្យមើលសកម្មភាពរបស់ស្វាឪ នៅក្នុងព្រៃនោះ។ ចៃដន្យអី ស្វាឪមួយក្បាលបានយក Go Pro របស់គាត់ ទៅថត Selfie ខ្លួនឯងជាច្រើនរយប៉ុស្តិ៍។

អ្នកថតរូបនោះមានឈ្មោះ Ian Wood បានធ្វើដំណើរទៅព្រៃមួយកន្លែងក្នុងកោះ Borneo ដើម្បីផ្ដិតយកទិដ្ឋភាពរបស់សត្វព្រៃនៅទីនោះ ជាពិសេសគឺស្វាឪ (Orangutan)។ លោកបានរៀបចំលាក់កាមេរ៉ា Go Pro ពណ៌ប៉ារ៉ា នៅក្នុងគុម្ពព្រៃមួយ ហើយបានតភ្ជាប់កាមេរ៉ានោះទៅនឹងទូរស័ព្ទរបស់គាត់ ដើម្បីពិនិត្យមើលសកម្មភាពរបស់ស្វាប្រភេទនេះ។

ជាការចៃដន្យ កាមេរ៉ារបស់លោក Wood ត្រូវបានស្វាឪវ័យ ៣ឆ្នាំមួយក្បាលប្រទះឃើញ។ ដំបូងស្វានេះ បានខាំកាមេរ៉ា Go Pro ព្រោះស្មានជាចំណី ប៉ុន្តែបន្ទាប់ពីខាំទៅដឹងថាមិនមានចំណីខ្លួន ក៏កាន់កាមេរ៉ាឡើង ដាក់ចំពីមុខខ្លួន ហើយក៏ចុចប៊ូតុងថតបែប Selfie ជាច្រើនរយប៉ុស្តិ៍។ លោក Wood ស្មានថានឹងមិនមានឱកាសយកកាមេរ៉ាពីស្វានោះវិញទេ ព្រោះស្វា Orangutan មួយនេះ បានកាន់កាមេរ៉ារបស់លោកទៅជាមួយខ្លួន។ ទោះជាយ៉ាងណា ចុងក្រោយលោក Wood ក៏បានទៅយកកាមេរ៉ារបស់ខ្លួនវិញបន្ទាប់ពីត្រូវបានស្វាវ័យក្មេងមួយនេះ ទម្លាក់ចោល។

តោះមកមើលរូបភាព Selfie របស់ស្វាឪមួយនេះ៕