ឃើញហៅអាក្បាលធំ កុំសើចឲ្យសោះបើដឹងរឿងពិត

2017-12-13 23:53:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកនៅ សំណាង មានឈ្មោះហៅក្រៅមួយទៀតអាក្បាលធំ។ ឈ្មោះនេះក៏ហៅលើពុម្ពអក្សរដែលលោកបានបង្កើតនោះដែរ។

សំណាង បាននិយាយពីដើមទងឈ្មោះនេះថា ការពិតឈ្មោះអាក្បាលធំគឺជាការហៅក្រៅរបស់ឪពុកលោក។ កាលនៅក្មេងលោកមានខ្លួនស្គម ហើយក្បាលធំ ទើបឪពុកហៅអាក្បាលធំទៅ។

នៅ សំណាង

តាមស្ថាបនិកបង្កើតពុម្ពអក្សរខ្មែរអាក្បាលធំប្រាប់ Sabay ថា ដំបូងលោកក៏មិនសូវពេញចិត្តឈ្មោះនេះដែរ។ តែយូរៗទៅ ក៏ចូលចិត្តបន្តិចម្តងៗ។

ទាក់ទងការដាក់ឈ្មោះអាក្បាលធំលើពុម្ពអក្សរ សំណាងប្រាប់ថា ដោយសារវាស្រួលហៅ និងណាមួយគិតថាងាយឲ្យគេចាប់អារម្មណ៍។

លោក នៅ សំណាង ជាអ្នកបង្កើតពុម្ពអក្សរអាក្បាលធំ។ លោកបានចាប់ផ្ដើមបង្កើតពុម្ពអក្សរខ្មែរអាក្បាលធំតាំងពីឆ្នាំ ២០១០ ដោយគិតមកទល់ពេលនេះលោកបានបង្កើតបានជាង ៤០ ពុម្ពអក្សរដែលកំពុងដាក់ឲ្យប្រើប្រាស់រាល់ថ្ងៃនេះ។