សែន រ៉ាឌី សុំទោសជាសាធារណៈរឿងច្រឡំបាត់លុយ

2017-12-19 04:22:54
ចំនួនមតិ 0 | ចំនួនចែករំលែក 0

ចន្លោះមិនឃើញ

មុននេះអតីតកីឡាករប្រដាល់គុនខ្មែរ និងជាកីឡាករវ៉ូវីណាមជម្រើសជាតិកម្ពុជា សែន រ៉ាឌី បានធ្វើការសុំទោសជាសាធារណៈជុំករណីច្រឡំបាត់លុយដែលទទួលបានពីរាជរដ្ឋាភិបាល។

កីឡាករ ទិន ភាព ហៅសែន រ៉ាឌីបានសរសេរថា ៖«ខ្ញុំបាទ សែន រ៉ាឌី សុំធ្វើការសុំទោសជាសាធារណៈនៅការបង្ហោះសារមុននេះបន្តិចថា ខ្ញុំបាទបានបាត់លុយខ្លះនៅក្នុងថវិកាដែលបានបើកពីរដ្ឋាភិបាលពីថ្ងៃមុននោះ...ខ្ញុំបាទសុំធ្វើការសូមទោសផងបាទ ព្រោះលុយទាំងនោះមិនបានបាត់ទៅណាទេ តែវាជាជាការរាប់លុយច្រឡំរបស់ខ្ញុំខ្លួនឯងប៉ុណ្ណោះ...សូមអ្នកទាំងអស់គ្នាអធ្យាស្រ័យអោយខ្ញុំបាទផងចុះ»។

មុនបង្ហោះសារសុំទោសជាសាធារណៈនេះ ទិន ភាព បានបង្ហោះសារមួយថា បានបាត់លុយ ប៉ុន្តែក្រោយមកក៏លុបសារនោះចេញ ហើយបញ្ជាក់ថា ជាការរាប់លុយច្រឡំរបស់ខ្លួនគេផ្ទាល់។

សាររបស់ សែន រ៉ាឌី

សូមបញ្ជាក់ថា ទិន ភាព ឈ្នះបានមេដាយប្រាក់ពិភពលោក១គ្រឿងពីការប្រកួតជើងឯកវ៉ូវីណាមពិភពលោកឆ្នាំ២០១៧នៅប្រទេសឥណ្ឌា។ តាមរយៈមេដាយប្រាក់នេះ រូបគេទទួលបានប្រាក់រង្វាន់ពីរាជរដ្ឋាភិបាលចំនួន៨០លានរៀល (២ម៉ឺនដុល្លារអាមេរិក) និងប្រាក់ឧបត្ថម្ភពីសម្តេចតេជោ ហ៊ុន សែន ចំនួន៥ពាន់ដុល្លារអាមេរិកដែលទើបទទួលបានកាលពីប៉ុន្មានថ្ងៃមុន៕