បច្ចុប្បន្ន ប៊ីអាយជី មាន​​ទម្ងន់១២៧ គីឡូក្រាម​ហើយ ដែល​ទម្ងន់​នេះ​ ជា​ទម្ងន់​មួយ គួរឲ្យ​​បារម្មណ៍​ទៅ​ថ្ងៃ​អនាគត លោក​ប្រាប់​ថា ការ​​ឡើង​គីឡូ​ខ្លាំង​បែប​នេះ មិន​មែន​មក​ពី​ការ​ពិសា​គ្រឿង​ស្រវឹង​ឡើយ ពោល​គឺ​មក​ពី​ការ​​ញ៉ាំ​មិន​ទៀង​ទាត់ និង​ការ​មិន​បាន​ហាត់​ប្រាណ។

"ឥឡូវហ្នឹង ​​​ថត​ខ្សែភាពយន្ត​ខ្មាត​ធំ​ខ្ញុំ​បាន ​៣០០០ទៅ៣៥០០ ដុល្លារ មិន​គិត​ចំនួន​ថ្ងៃ​ថត​ទេ ប៉ុន្តែ​បើ​​ថត​គិត​ជា​ថ្ងៃ​វិញ ខ្ញុំ​យក ៥០០ ដុល្លារ" ក្នុង​១ថ្ងៃ នេះ​ជា​ការ​បង្ហើប​ប្រាប់​របស់ លោក ហៃ សីហា ហៅ ប៊ីអាយជី ជុំវិញ​តម្លៃ​ខ្លួន​លើ​ការងារ​សិល្បៈរបស់​លោក​ប្រាប់ Sabay ។

លោក ភីំម៉ៃ នាយ​ពាង និង​​ លោក ប៊ីអាយជី បាន​ជួប​គ្នា​ក្នុង​កម្មវិធី​កម្សាន្ត​មួយ​របស់​ស្ថានីយ​ទូរទស្សន៍​ MYTV កាល​ពី​ពេល​ថ្មីៗ​នេះ។ អ្នក​រៀបចំ​កម្មវិធី​បាន​រៀបចំ​​តារា​​ទាំង ៣​ ឲ្យ​ឡើង​ឆាក ដើម្បី​ឲ្យ​ទស្សនិកជន​ចាប់អារម្មណ៍ ត្បិត​អី​អ្នក​ទាំង ៣ សុទ្ធតែ​មាន​ទម្ងន់​យក្ស​ដូច​គ្នា។ ទស្សនិកជន សាកទាយ​ទៅ​មើល រវាង លោក ប៊ីអាយជី លោក ភីំម៉ៃ និង នាយ​ពាង ម្នាក់​ណា​ធ្ងន់​ជាង​គេ?