អស់តែមួយសន្លឹកកន្លះ Meizu ផ្ដល់ជូនស្មាតហ្វូនអេក្រង់ពេញ ហើយកម្លាំងម៉ាស៊ីនកប់
- 2018-01-19 02:03:41
- ចំនួនមតិ 0 | ចំនួនចែករំលែក 0
អស់តែមួយសន្លឹកកន្លះ Meizu ផ្ដល់ជូនស្មាតហ្វូនអេក្រង់ពេញ ហើយកម្លាំងម៉ាស៊ីនកប់
ចន្លោះមិនឃើញ
ក្រុមហ៊ុនប្រទេសចិន Meizu បានប្រកាសចេញលក់ស្មាតហ្វូនធន់កណ្តាល មានតម្លៃធូរថ្លៃ រូបរាងស៊ីវិល័យមិនចាញ់ស្មាតហ្វូនទំនើប បន្ថែមកម្លាំងម៉ាស៊ីនក៏មិនណយ។ ម៉ូដែល M6S បានរចនារូបរាងប្លែកខុសពីម៉ូដែលមុន នៅតួខាងក្រោយរាបស្មើ គ្មានស្នាមអង់តែន គួបផ្សំកាមេរ៉ាមួយគ្រាប់អោប Flash ពីក្រោម និងស្លាកយីហោ Meizu ដ៏លេចធ្លោ។
ស្ថិតក្នុងទំហំអេក្រង់ ៥.៧ អ៊ីញ មាត្រដ្ឋាន ១៨:៩ មានកម្រិតរូបភាពច្បាស់ ៧២០x១ ៤៤០ ភីកសែល ហើយប្រើអង្គគណនារបស់ក្រុមហ៊ុន SAMSUNG ប្រភេទ Exynos 7872 Hexa-Core ល្បឿន ២.០ GHz និងមាន GPU ARM Cortex-A73។ ប្រើ RAM 3GB តាមជម្រើសអង្គផ្ទុក 32/64GB ហើយមានថាមពលថ្ម ៣ ០០០ mAh និងកាមេរ៉ាក្រោយ 16MP មាន Aperture f/2.0 និងខាងមុខ 8MP ដែលទទួលការផ្គត់ផ្គង់ពីក្រុមហ៊ុន SAMSUNG ទាំងស្រុង។
Meizu បានប្រកាសលក់ក្នុងតម្លៃ ១៥៥ ដុល្លារ សម្រាប់អង្គផ្ទុក 32GB និង ១៨៦ ដុល្លារ សម្រាប់អង្គផ្ទុក 64GB ហើយមានជម្រើស ៤ ពណ៌ (ខ្មៅ, ខៀវ, ទឹកប្រាក់, ទឹកមាស) និងមានចរាចរលើទីផ្សារប្រទេសចិន, ឥណ្ឌា, ប៉ែកអាស៊ីអាគ្នេយ៍, ប៉ែកអឺរ៉ុប និងអាហ្វ្រិកខាងត្បូង។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
