សូម្បី SmartTV ក៏ Hacker មិនលើកលែងដែរ

2018-02-09 01:12:28
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្សំនឹងការអភិវឌ្ឍនូវទំហំអេក្រង់ឲ្យកាន់តែធំ ចូលដល់ជំនាន់ទូរទស្សន៍ឆ្លាតវៃ Smart TV ក៏មានទាំងមុខងារភ្ជាប់ Wi-Fi លើទូរទស្សន៍ ដើម្បីធ្វើការប្រើប្រាស់បណ្ដាញសង្គម ក៏ដូចជាទស្សនាខ្សែភាពយន្តល្បីៗ លើកម្មវិធី Netflix ឬ Hulu ជាដើម។

ថ្វីបើយ៉ាងណាមិញក៏នៅតែមានចន្លោះប្រហោងមួយចំនួន ដោយរបាយការណ៍ពី USA Today បានចុះផ្សាយ ទូរទស្សន៍ឆ្លាតវៃមួយចំនួនធំប្រឈមនឹងការវាយប្រហារពីពួកក្រុម Hacker។ ភាគច្រើនត្រូវបានគេរកឃើញលើស្លាកយីហោមួយចំនួនដូចជា Samsung, Sony, LG, TCL និង Vizio ដោយក្រុមការងារ Consumer Reports សង្កត់ធ្ងន់លើម៉ូដែល Samsung និង TCL រកឃើញថាបរាជ័យលើការតេស្តប្រព័ន្ធសុវត្ថិភាព។

ប្រធានជាន់ខ្ពស់លោក Glenn Derene បញ្ជាក់ឲ្យដឹងថាបែបបទវាយប្រហារនោះរួមមាន ការបញ្ជាលើសកម្មភាពមួយចំនួនដូចជាចូលទៅ Search bar ដោយស្វ័យប្រវត្តិ, ការបើកឬ Install App និងសកម្មភាពបន្លាចឬគំរាមមួយចំនួនផ្សេងទៀត ទៅលើអ្នកប្រើប្រាស់។ យ៉ាងណាមិញក៏មានដំណោះស្រាយដោយប្រភពដដែលណែនាំឲ្យអ្នកប្រើរាល់គ្នា បើចង់បញ្ចៀសការ Hack ពីជនខិលខូច សូមធ្វើការចូលទៅ Option ដើម្បីបិទមុខងារ Wi-Fi កុំឲ្យដំណើរការជាការស្រេច ។

ឆ្លើយតបនឹងបញ្ហានេះក្រុមហ៊ុន SAMSUNG បានបញ្ជាក់ឲ្យ Consumer Reports គួរធ្វើការពិនិត្យឲ្យបានដិតដល់រាល់បញ្ហាដែលកើតមាន និងរាយការណ៍មកក្រុមហ៊ុននូវអាសយដ្ឋាននៃទីតាំងនោះ។ ស្របពេល TCL ក៏ទើបតែបង្ហោះលើប្លុកខ្លួន ថាការរកឃើញនោះជារឿងខុសទំនង ហើយគ្មានហានិភ័យនៃប្រព័ន្ធសុវត្ថិភាពអ្វីទេ។