Alonso ផ្ដល់ដំបូន្មានដល់ Lewandowski បន្តនៅ Bayern មិនបាច់ទៅ Real ទេ
- 2018-03-22 03:03:25
- ចំនួនមតិ 0 | ចំនួនចែករំលែក 0
Alonso ផ្ដល់ដំបូន្មានដល់ Lewandowski បន្តនៅ Bayern មិនបាច់ទៅ Real ទេ
ចន្លោះមិនឃើញ
កីឡាករដែលចូលនិវត្តន៍កាលពីឆ្នាំមុន Xabi Alonso បានផ្ដល់យោបល់ដល់អតីតមិត្តរួមក្រុមនៅ Bayern Munich កីឡាករRobert Lewandowski ឲ្យបដិសេធជាមួយ Real Madrid និងបន្តរស់នៅអាល្លឺម៉ង់ទៀតទៅ។
ជាច្រើនឆ្នាំកន្លងទៅ Lewandowski ធ្លាប់ត្រូវបានទាក់ទងផ្លាស់ទៅទីក្រុង Madrid ពេលដែលគេកំពុងលេងនៅ Borussia Dortmund ប៉ុន្តែចុងក្រោយក៏សម្រេចផ្ទេរទៅ Bayern ទទួលបានកុងត្រាដល់ឆ្នាំ២០២១។
“គេ (Lewandowski) ត្រូវបានគេដឹងថា ជាម្ចាស់អាវលេខ៩ល្អបំផុតម្នាក់ក្នុងលោក។ យ៉ាងណាក្ដី ខ្ញុំគិតថា គេល្អគ្រប់គ្រាន់នៅ Bayern។ ជារៀងរាល់ឆ្នាំគេតែងរកបាគ្រាប់បាល់ច្រើនរហូត គេស្គាល់ក្លឹបនិងលីគនេះច្បាស់លាស់ ហើយឈ្នះពានជាច្រើន។ ប៉ុន្តែប្រសិនជាគេចង់មានបទពិសោធន៍ថ្មី ដូច្នេះគេត្រូវតែសម្រេចចិត្តដោយខ្លួនឯង"។ សម្ដី Alonso ប្រាប់សារព័ត៌មាន Sportbuzzer។
កាលពីពេលថ្មីៗកន្លងទៅមានការលេចឭពីកាសែតអេស្ប៉ាញ AS ថា Real Madrid បានយល់ព្រមព្រៀងរួចរាល់ជាមួយ Lewandowski នៅឡើងតែចរចាជាមួយ Bayern Munich។ យ៉ាងណាមិញ នេះជាគ្រាន់ជាការចុះផ្សាយរបស់សារព័ត៌មានចំពោះ រឿងផ្លូវការក្លឹបមិនទាន់បញ្ចេញទេ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
