ឧស្សាហ៍ស្ត្រេសច្រើន គួរប្រញាប់ដោះស្រាយដោយវិធីទាំងនេះ
- 2018-04-08 02:21:04
- ចំនួនមតិ 0 | ចំនួនចែករំលែក 0
ឧស្សាហ៍ស្ត្រេសច្រើន គួរប្រញាប់ដោះស្រាយដោយវិធីទាំងនេះ
ចន្លោះមិនឃើញ
ឆ្លងកាត់រឿងរ៉ាវក្នុងជីវិតកាន់តែច្រើន ការវិវត្តនៃចិត្តគំនិត បទពិសោធន៍ ចំណេះដឹងក៏កាន់តែកើនឡើងមួយកម្រិត។ ក្រៅពីចំណុចល្អទាំងអស់នោះ អ្នកក៏ប្រហែលទទួលបានមេរៀនអាក្រក់ៗ មួយចំនួនដែលតែងតែតាមលងបន្លាច ធ្វើឲ្យព្រួយបារម្ភ បាក់ស្បាត ដែលបង្កជាភាពតានតឹង និងប៉ះពាល់ដល់សុខភាពផ្លូវចិត្តមិនស្ទើរទេ។ យ៉ាងណាមិញ ខាងក្រោមនេះជាវិធីងាយៗ ៦ចំណុចដែលអាចជួយអ្នកក្នុងការបំបាត់ភាពតានតឹង ធុញថប់ទាំងនោះបានដោយជោគជ័យ៖
១. គេងឲ្យបានគ្រប់គ្រាន់
អ្នកត្រូវចាប់ផ្ដើមទម្លាប់ល្អ ចូលគេងពីព្រលប់ ងើបពីព្រលឹមឲ្យទៀងម៉ោង។ រយៈពេលគេងដែលត្រឹមត្រូវ គឺប្រាំបីម៉ោងជារៀងរាល់យប់។ នៅពេលដែលភ្នែក និងខួក្បាលអ្នកសម្រាកបានគ្រប់គ្រាន់ ពួកវាក៏ដំណើរការបានល្អ ដែលជួយឲ្យអ្នកមានអារម្មណ៍ស្រស់ថ្លា និងរីករាយពេញមួយថ្ងៃ។
**២. បញ្ឈប់ការញ៉ាំអាហារបំបាត់ភាពតានតឹង**
អ្នកប្រហែលជាធ្លាប់ឮថា ការញ៉ាំអាហារដែលផ្អែម ឬប្រៃៗ អាចបន្ថយភាពតានតឹង។ ប៉ុន្តែវាគ្រាន់តែជាការព្យាបាលរយៈពេលខ្លីប៉ុណ្ណោះ។ បើអ្នកនៅតែបន្ត លទ្ធផលអាចលើសដើម ដូច្នេះអ្នកត្រូវរក្សារបបអាហារដែលត្រឹមត្រូវរបស់អ្នកដដែល ទើបជារឿងដែលគួរធ្វើ។
៣. បន្លប់ខ្លួនឯង
បើអ្នកដឹងថាខ្លួនឯងកើតជំងឺតានតឹងហើយ កុំអង្គុយសញ្ជឹងគិត ពិចារណាយូរពេក។ បន្លប់ខ្លួនឯង ធ្វើឲ្យខ្លួនឯងរវល់ ជាមួយការលំហែអារម្មណ៍ដូចជា ដឹកឆ្កែដើរលេង ហាត់ប្រាណ អានសៀវភៅ ឬធ្វើរឿងដែលអ្នកចូលចិត្តផ្សេងៗទៀត។
៤. ចូលសង្គមជាថ្មី
ភាពតានតឹងពេលខ្លះ ធ្វើឲ្យអ្នកធុញថប់ មិនចង់ជួប ឬទំនាក់ទំនងជាមួយអ្នកដទៃ។ ដូច្នេះអ្នកត្រូវតែយកឈ្នះវាឲ្យបាន។ ណាត់ជួបមិត្តភ័ក្ដិ ទៅមើលកុន ផឹកកាហ្វេ ឬក៏ទៅចូលរួមកម្មវិធីជប់លៀងផ្សេងៗ ជួបមិត្តចាស់ៗ ឬមនុស្សថ្មីៗ ឲ្យបានច្រើន។
៥. បង្កើនថាមពលរបស់អ្នក
ពេលអ្នកជួបភាពតានតឹង អ្នកនឹងមានអារម្មណ៍ហត់ ឬអស់កម្លាំងមួយរំពេច។ ដូច្នេះអ្នកគួរបង្កើនថាមពលឲ្យខ្លួនឯង ដោយប្រើវីតាមីនបន្ថែម ឬញ៉ាំអាហារ ភេសជ្ជៈប៉ូវកម្លាំងមួយចំនួន ដើម្បីឲ្យរាងកាយអ្នកអាចប្រយុទ្ធតស៊ូជាមួយអារម្មណ៍ធុញថប់ទាំងនោះបាន។
៦. គ្រប់គ្រងខ្លួនឯងឲ្យបាន
បាត់បង់ម្ចាស់ការ គ្រប់គ្រងស្ថានការណ៍លែងជាប់ ជារោគសញ្ញានៃភាពតានតឹងយ៉ាងពិតប្រាកដ។ អ្នកមិនត្រូវឲ្យវាចូលមកគ្រប់គ្រងជីវិតអ្នកទេ។ ចាប់ផ្ដើមស្វែងរកដំណោះស្រាយ ដោយពិភាក្សាជាមួយមិត្តភ័ក្ដិជិតស្និទ្ធ ឬអ្នកជំនាញ។ ត្រូវចាំថាអ្នកនៅតែមានជម្រើស ឲ្យតែអ្នកស្វះស្វែងរក ៕
ចុចអាន ៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
