ចូលឆ្នាំហើយ តាមច្រកតូចៗ តើមានអ្នកប្រមូលសំរាមហើយឬនៅ?

2019-04-18 03:44:28
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតត្រឹមព្រឹកថ្ងៃទី ១៨ ខែមេសា ២០១៩ នេះ ផ្លូវតូចៗមួយចំនួននៅមិនទាន់ឃើញមានអ្នកប្រមូលសំរាមនៅឡើយ ក្រោយពីមានការជូនដំណឹងរបស់រដ្ឋបាលសាលារាជធានីភ្នំពេញថា នៅអំឡុងថ្ងៃឈប់សម្រាកបុណ្យចូលឆ្នាំ ការផ្ដល់សេវាប្រមូលសំរាមមិនបានពេញលេញនោះទេ ចាប់ពីថ្ងៃទី១៤ រហូតដល់ ១៧ មេសា។

ប៉ុន្តែប្រជាពលរដ្ឋមួយចំនួនក្នុងរាជធានីភ្នំពេញថា ការប្រមូលសំរាមនៅផ្លូវតូចៗ ចាប់ពីថ្ងៃទី ១១-១៨ មេសានេះ នៅតែមិនទាន់មានបុគ្គលិកក្រុមហ៊ុន ស៊ិនទ្រី ឬផ្នែកណាមួយចុះមកប្រមូលសំរាមនៅឡើយ ដែលនៅមុខផ្ទះមួយចំនួនសំរាមគរ និងមានក្លិនផងដែរ។

នៅមុនពិធីបុណ្យចូលឆ្នាំមកដល់ រដ្ឋបាលរាជធានីភ្នំពេញបានប្រកាសអំពីការផ្ដល់សេវាសម្អាត និងដឹកជញ្ជូនសំរាម នៅអំឡុងពិធីបុណ្យចូលឆ្នាំមិនបានពេញលេញឡើយ គឺគិតចាប់ពីថ្ងៃទី ១៤-១៧ មេសា។ សេចក្ដីជូនដំណឹងដដែលក៏បានសុំការយោគយល់ដល់ម្ចាស់ផ្ទះ កុំបញ្ចេញសំរាមនៅតាមដងផ្លូវសាធារណៈនៅអំឡុងពេលផ្ដល់សេវាមិនបានពេញលេញ ដោយស្នើឲ្យរក្សាសំរាមនៅទីតាំងរៀងៗខ្លួនបណ្ដោះអាសន្ន។

អានសេចក្ដីជូនដំណឹងទាំងស្រុងរបស់ រដ្ឋបាលរាជធានីភ្នំពេញ ដែលបានជូនដំណឹងមុនពេលចូលឆ្នាំ

ប្រសិនដូចការជូនដំណឹងរបស់រដ្ឋបាលរាជធានីភ្នំពេញខាងលើ គឺនៅថ្ងៃនេះ ការប្រមូលសំរាមដំណើរការធម្មតា ប៉ុន្តែតំបន់មួយចំនួនឃើញថា នៅមិនទាន់មានអ្នកប្រមូលនៅឡើយ ហើយប្រសិនបើការអូសបន្លាយនៃការប្រមូលសំរាមទៀត តើសំរាមដែលដាក់នៅតាមមុខផ្ទះ តាមច្រកតូចៗ នឹងកាន់តែច្រើនឡើង ហើយក្លិនក៏កាន់តែស្អុយផងដែរ៕