ស្ដាយណាស់! ម៉ឺន សុភា ចាញ់ Dieselek ជាលើកទី២ មិញនេះនៅ Super Champ
- 2019-08-18 14:07:17
- ចំនួនមតិ 0 | ចំនួនចែករំលែក 0
ស្ដាយណាស់! ម៉ឺន សុភា ចាញ់ Dieselek ជាលើកទី២ មិញនេះនៅ Super Champ
ចន្លោះមិនឃើញ
អ្នកប្រដាល់ជួរមុខរបស់កម្ពុជា ម៉ឺន សុភា មិនអាចសងសឹកម្ចាស់ថៃ Dieselek បានទេមិញនេះនាការប្រកួតមិត្តភាពអន្តរជាតិលើសង្វៀន Super Champ។
ម៉ឺន សុភា ព្យាយាមវ៉ៃទៅលើកីឡាករម្ចាស់ថៃណាស់ដែរ ប៉ុន្តែការវ៉ៃនោះមិនសូវបានផលនោះឡើយ ពោលត្រូវ Dieselek ការពារបានល្អ និងសងសឹកវិញពេញហើយធ្ងន់ៗទៀតផង។ ទឹកទី១កីឡាករថៃ Dieselek ហាក់មិនសូវវ៉ៃនោះឡើយ ដូចជាស្ទាប់ស្ទង់ និងបណ្ដោយឲ្យ ម៉ឺន សុភា វ៉ៃសិន ប៉ុន្តែចូលដល់ទឹកទី២ ម្ចាស់មេដាយមាសស៊ីហ្គេម ខាងលើប្រើកណ្ដាប់ដៃច្បាស់ៗ និងធ្ងន់វ៉ៃសម្រុករហូតអ្នកលេងគុនខ្មែរត្រូវអាជ្ញាកណ្ដាលរាប់ ហើយសម្រេចបញ្ចប់ការប្រកួតត្រឹមនេះតែម្ដង។
រំលឹកដែរថា កីឡាករ ម៉ឺន សុភា ធ្លាប់ចាញ់ពិន្ទុកីឡាករ Dieselek ម្ដងហើយកាលពីឆ្នាំ២០១៧ ដោយទទួលបានមេដាយប្រាក់ នៃព្រឹក្តិការណ៍កីឡាស៊ីហ្គេមលើកទី២៩។ ប៉ុន្តែជំនួបសងសឹកជាលើកទី២នេះ ម៉ឺន សុភា របស់កម្ពុជានៅតែមិនអាចសងសឹកបាន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
