លេចរឿងឪពុក Messi ទៅចរចាជាមួយ Manchester City ស្ងាត់ៗ

2020-08-27 02:25:19
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមរយៈប្រភពសារព័ត៌មានជាច្រើនទម្លាយថា ឪពុករបស់ Lionel Messi បានទៅពិភាក្សាលក្ខខណ្ឌផ្ទាល់ខ្លួនជាមួយ Manchester City។

គ្រប់យ៉ាងកើតឡើង បន្ទាប់ពីប្រធានក្រុមរបស់ Barcelona ខាងលើចង់ចាកចេញពីក្លឹបក្នុងរដូវក្ដៅនេះ ក្រោយរដូវកាលដ៏ខកចិត្តមិនមានឈ្នះពានអ្វីសោះ។ ពេលដំណឹងនេះលេចឡើង ក្លឹបធំៗនៅអឺរ៉ុបចាច្រើនដូចជា Man City និង PSG ជាដើមដាក់ការចាប់អារម្មណ៍លើ Messi។

ផ្អែកតាមសារព័ត៌មានក្នុងប្រទេសអេស្ប៉ាញជាច្រើនបានផ្សព្វផ្សាយថា លោ Jorge Messi បានទៅដល់ទីក្រុង Manchester ដើម្បីពិភាក្សាលក្ខខណ្ឌជាមួយ City។ ប្រភពបញ្ជាក់ថា ឪពុក Messi បានពិភាក្សាលើកុងត្រារយៈពេល២ឆ្នាំ ប៉ុន្តែអ្វីដែលចោទជាចំនួនគេមិនទាន់ដឹង City ត្រូវចំណាយប៉ុន្មានដើម្បីយកកីឡាករមកបានទេ។

តាមពិតទៅតម្លៃទិញផ្ដាច់កុងត្រារបស់ Messi នៅ Barcelona មានដល់៧០០លានអឺរ៉ូឯណោះ។ ប៉ុន្តែក្នុងកុងត្រារវាង Messi និងក្លឹបបានចារថា ប្រសិនកីឡាករមិនសប្បាយចិត្ត ហើយស្នើសុំក្លឹបចេញ នោះរូបគេអាចចេញបានភ្លាមៗ ទោះជានៅសល់កុងត្រាក៏ដោយ។ យ៉ាងណាចុងក្រោយនេះ Barca បានដាក់លក្ខខណ្ឌមួយផ្សេងទៀត ប្រសិនក្លឹបណាចង់បាន Messi ត្រូវបង់២០០លានផោន៕

ប្រភព៖ Dailymail ប្រែសម្រួល៖ ហេង សុធារិទ្ធិ