សុខ ធី ចាញ់ពិន្ទុថៃយប់មិញភ្លាត់បែក ខណៈការប្រកួតមានអ្នកទស្សនា Live ច្រើន

2021-02-15 03:21:50
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ដើមកំណើតមកពីបន្ទាយមានជ័យ សុខ ធី យប់មិញនេះចាញ់ពិន្ទុកីឡាករថៃ ប៉ុន្តែការប្រកួតជក់ចិត្ត មានការគាំទ្រច្រើនសំណាក់អ្នកតាមដានប្រដាល់។

សុខ ធី (ស្ដាំ) និងកីឡាករថៃ

ការប្រកួតយប់មិញរបស់អ្នកប្រដាល់គុនខ្មែរ សុខ ធី ចាញ់ពិន្ទុថៃ (សឿនយ៉ៃ) និងភ្លាត់ចូលកែងរបស់គេបែកក្នុងទឹកទី៤។ ចាប់ពីទឹក១ មកការប្រកួតគឺប្រហាក់ប្រហែលគ្នានោះទេ ពោលចូលដល់ទឹក៤ កីឡាករថៃចាប់ផ្ដើមបុកខ្លាំងដើម្បីយកពិន្ទុ ខណៈការបុកនោះមានស្នៀតជង្គង់ហោះ និងបត់កែងថែមទៀតផង។

រូបភាពលើហ្វេសបុក សុខ ធី

ដោយដឹងថានឹងចាញ់ពិន្ទុថៃ ចូលទឹក៥ សុខ ធី បានដើរបុកវ៉ៃពោះវិញ យ៉ាងណាក៏មិនអាចផ្ដួលឲ្យដៃគូសន្លប់ ឬត្រូវអាជ្ញាកណ្ដាលរាប់បាននោះឡើយ។ បញ្ចប់ការប្រកួត សុខ ធី បានត្រឹមចាញ់ពិន្ទុកីឡាករថៃ (សឿយ៉ៃ) ប៉ុណ្ណោះ។ អ្វីដែលចាប់អារម្មណ៍នោះគឺមានផេកប្រដាក់ក្នុងស្រុកមួយបានឡាយការប្រកួតរបស់ សុខ ធី និងអធិប្បាយថែមទៀត។ ចំណែកការប្រកួតមួយនេះមានការចាប់អារម្មណ៍ និងទស្សនាច្រើនផងដែរ៕