Alonso ក្លាយជាគ្រូបង្វឹកថ្មីរបស់ Monchengladbach រដូវកាលក្រោយ
- 2021-03-23 07:29:48
- ចំនួនមតិ 0 | ចំនួនចែករំលែក 0
Alonso ក្លាយជាគ្រូបង្វឹកថ្មីរបស់ Monchengladbach រដូវកាលក្រោយ
ចន្លោះមិនឃើញ
Xabi Alonso ត្រូវបានប្រភពនៅអាល្លឺម៉ង់បានបញ្ជាក់ថានឹងក្លាយជាគ្រូបង្វឹកថ្មីរបស់ក្រុម Borussia Monchengladbach នារដូវកាលក្រោយនេះ។
លោក Marco Rose ដែលជាគ្រូបង្វឹកក្រុម Monchengladbach នាពេលបច្ចុប្បន្ននេះ នឹងចាកចេញទៅនាចប់រដូវកាល ដោយបន្ដទៅដឹកនាំក្រុម Dortmund ។ ស្របពេលជាមួយគ្នានេះដែរ ពេលនេះស្រាប់តែមានដំណឹងមកពីអាល្លឺម៉ង់បញ្ជាក់ថាក្លឹប Monchengladbach រកបានអ្នកជំនួសទៅហើយ។ ពួកគេបានសម្រេចចិត្តជ្រើសយកលោក Alonso ។
អតីតកីឡាករពោរពេញដោយបទពិសោធខាងលើនេះចាប់ផ្ដើមអាជីពជាគ្រូបង្វឹកនៅឆ្នាំ២០១៨ ដោយកាលនោះចូលដឹកនាំក្រុមយុវជនរបស់ Real Madrid ក្រោមអាយុ១៤ឆ្នាំ។ ក្រោយមកទៀតនៅឆ្នាំ២០១៩ លោកក៏សម្រេចចិត្តបង្កើនសមត្ថភាព ទៅដឹកនាំក្រុម Real Sociedad B បន្ដ។ ដោយបច្ចុប្បន្ននេះក្រុមធ្វើបានល្អណាស់ក្រោមការដឹកនាំរបស់បុរសវ័យ៣៩ឆ្នាំនេះ។ រហូតដល់ពេលនេះ មានដំណឹងទៅដឹកនាំក្រុមធំ Monchengladbach ថែមទៀតផង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
